'బాయ్హుడ్' రీమేక్‌తో షారుఖ్ కొడుకులు తెరంగేట్రం..!
వెండితెరపై వెలిగే స్టార్స్ తమ కుమారులు, కుమార్తెలను సినీ రంగానికి తీసుకురావడం మామూలే. తాజాగా బాలీవుడ్ హీరో షారుఖ్ ఖాన్ తన కుమారులు ఆర్యన్ ఖాన్ , అభిరామ్‌లను సినీరంగానికి పరిచయం చేయనున్నారు.
హాలీవుడ్ లో సూపర్ డూపర్ హిట్టయి ఆస్కార్ అవార్డు పొందిన చిత్రం 'బాయ్ హుడ్' ను తిరిగి బాలీవుడ్ లో నిర్మించడం ద్వారా ఆర్యన్ , అభిరామ్‌లను ప్రేక్షకుల దగ్గరికి చేర్చాలని షారుఖ్ నిర్ణయించారు. ఆస్కార్ అవార్డు పొందిన 'బాయ్ హుడ్ 'ను తన పెద్ద కుమారుడు ఆర్యన్ ఖాన్‌ను హీరోగా పెట్టి తీయాలని షారుఖ్ నిర్ణయించుకున్నట్లు సమాచారం.
ఈ చిత్ర నిర్మాతలను కూడా ఆయన సంప్రదించారని, నిర్మాణ హక్కులను తమకు ఇవ్వాలని కోరారని తెలిసింది. అయితే, బాయ్హుడ్ చిత్రాన్ని మొత్తం 12 ఏళ్లపాటు చిత్రీకరించారు. ఇందులో ఎల్లర్ కాల్ట్రేన్ నటించాడు. ఈ పన్నెండేళ్లలో వచ్చిన మార్పుల ఆధారంగా చిత్రాన్నితీశారు.
అయితే, షారుఖ్ రిమేక్ చేయనున్న ఈ చిత్రంలో బాల్యంనాటి సన్నివేశాల కోసం తన చిన్న కుమారుడు అభిరామ్ తో చిత్రీకరించేందుకు నిర్ణయించినట్టు సమాచారం. తద్వారా ఇద్దరు కుమారులు సినీ ప్రేక్షకులకు పరిచయం చేసినట్లవుతుందని షారుఖ్ అభిప్రాయం.
