శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By ivr
Last Updated : సోమవారం, 20 అక్టోబరు 2014 (14:03 IST)

విశాఖలో స్మిత... వహ్ 1000 కిలోల ఆవకాయ్ కమ్మగా...

హుధుద్ తుఫాన్ షాక్ కు విశాఖపట్టణం వాసులు మెల్లమెల్లగా కోలుకుంటున్నారు. వారిని ఆదుకునేందుకు సినీ సెలబ్రిటీల దగ్గర్నుంచి పెద్దపెద్ద వ్యాపారస్తుల వరకూ ఇప్పటికే లక్షలు, కోట్లు విరాళాలు ప్రకటించి తమ దాన గుణాన్ని చాటిచెప్పారు. ఈ జాబితాలో పాప్ గాయని హాయ్ రబ్బా ఫేం స్మిత కూడా చేరిపోయారు. 
 
ఆమె తుఫాను బాధితుల కోసం 7 లక్షల విరాళాన్ని ప్రకటించారు. అంతేకాదు... విశాఖ వాసుల కోసం ప్రత్యేకంగా ఆమె పులిహోర పొట్లాలను పంచడమే కాకుండా 1000 కిలోల ఆవకాయ పచ్చడి కూడా పంపిణీ చేశారు. గాయని స్మిత దాతృత్వానికి హ్యాట్సప్ చెపుతున్నారు బాధితులు. అంతేకాదు... ఆమె బాధిత ప్రాంతాల్లో వాటర్ క్యాన్స్ కూడా పంపిణీ చేశారు. కాగా స్మిత పంపిణీ చేసిన 1000 కేజీల ఆవకాయ్ పచ్చడే ప్రస్తుతం హాట్ టాపిక్ గా మారింది.