'సన్నాఫ్ సత్యమూర్తి' టీజర్ షాక్.. పవర్ స్టార్‌ను కాపీకొట్టిన బన్నీ...!
యంగ్ హీరో అల్లు అర్జున్ హీరోగా నటించిన 'సన్నాఫ్ సత్యమూర్తి' ఫస్ట్ లుక్, ప్రీ ఫస్ట్ లుక్ లతో ఆకట్టుకున్న త్రివిక్రమ్‌, టీజర్ లో ఏమి చూపించబోతున్నాడోనని మెగా ఫ్యాన్స్ మొత్తం ఆసక్తిగా ఎదురుచూశారు. అయితే తీరా టీజర్ రిలీజయ్యాక చూసి షాక్‌కు గురయ్యారు.
ఎందుకంటే త్రివిక్రమ్‌ ఇంకా 'అత్తారింటికి దారేది' హ్యాంగోవర్‌లోనే ఉన్నాడని తెలుస్తోంది. అత్తారింటికి దారేది టీజర్ కాపీ పేస్ట్ చేసి 'సన్నాఫ్ సత్యమూర్తి' టీజర్‌గా చూపించినట్టుగా ఉంది. ఇందులో పవన్ కళ్యాణ్ లాగే, బన్నీ నడిచి వస్తూ కనిపించడం, బ్యాక్‌గ్రౌండ్‌లో దేవిశ్రీప్రసాద్‌ పాట రావడం, డ్రెస్సింగ్ స్టైల్ కూడా పవన్ ని పోలి వుండడం అందరిని షాక్ కి గురి చేసింది.
అసలకే ఈ సినిమాపై ఇండస్ట్రీ లో భారీ అంచనాలున్నాయి. కానీ టీజర్ మాత్రం ఆ అంచనాలను ఆవిరి చేసింది. దీంతో సినిమాను కొన్నవారు సినిమా అయినా కొత్తగా వుంటుందో లేక అత్తారింటికి దారేదిని లాగే ఉంటుందో అనే టెక్షన్ మొదలైంది. అయితే సినీ యూనిట్ మాత్రం ఈ టాక్‌పై ఎటువంటి కామెంట్స్ చేయకపోవడం గమనార్హం.
