'శ్రీమంతుడు' విడుదలకు సిద్ధం... రూ. 11.5 కోట్లకు శాటిలైట్ రైట్స్ సేల్స్..
కొరటాల శివ దర్శకత్వంలో ప్రిన్స్ మహేష్ బాబు నటిస్తున్న తాజా చిత్రం 'శ్రీమంతుడు'. ఈ చిత్రంలో మహేష్ సరసన శ్రుతి హాసన్ హీరోయిన్‌గా నటిస్తుంది. ఇటీవల షూటింగ్ పార్ట్‌ను పూర్తి చేసుకున్న ఈ చిత్రం పోస్టు ప్రొడక్షన్ వైపుగా దూసుకుపోతోంది. తాజాగా సమాచారం ఏమిటంటే ఈ చిత్ర రైట్స్‌ను జీ-తెలుగు వారు రూ. 11.5 కోట్లకు తీసుకున్నట్లు సమాచారం.
కాగా ఈ సినిమా కంటే ముందు మహేష్ 'ఆగడు' సినిమా రైట్స్ ని రూ.9.75 కోట్లకి తీసుకున్నారు. ఈ సినిమా ఆడియోని జూన్ మూడవ వారంలో విడుదల చేయడానికి సన్నాహాలు చేస్తున్నారు. కానీ, తాజా సంచారం ప్రకారం ఈ సినిమా ఆడియోను జూలై 17న విడుదల చెయ్యడానికి సన్నాహాలు చేస్తున్నట్టు సమాచారం.
