శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By DV
Last Modified: గురువారం, 21 మే 2015 (17:03 IST)

ఈ సమ్మర్‌ చాలా హాట్‌ గురూ... టాలీవుడ్‌లో సినిమాల్లేక ఎండిపోతోంది...

తెలుగు సినిమాలకు ఈ సమ్మర్‌ అచ్చిరాలేదు. పెద్దపెద్ద చిత్రాలు వస్తున్నాయని అనుకుని రిలీజ్‌ చేసినా ఆశాజనకంగా లేకుండా పోయింది. డబ్బింగ్‌ గంగ భయపెట్టి కలెక్షన్లు వసూలు చేస్తుంటే.. ఉత్తమ విలన్‌ అంటూ వచ్చిన కమల్‌కు నిరాశే ఎదురైంది. రుద్రమదేవి, బాహుబలి చిత్రాలు ఎలాగూ లేవు గనుక.. చిన్నచిత్రాలు విడుదలయినా సాఫీగా జరుగుతున్నదనుకుంటే.. అవీ లేకుండా పోయాయి. 
 
శాటిలైట్‌ వ్యాపారం లేకపోవడంతో.. పెద్దగా చిన్న సినిమాలు విడుదల కాలేదు. మరోవైపు.. నిర్మాతలు 14 మంది వేరే సంఘం పెట్టి.. సినిమా థియేటర్లు వారి చేతుల్లో పెట్టుకోవడంతోపాటు పబ్లిసిటీ ఇవ్వకుండా చేయడం కూడా చిన్న చిత్రాల విడుదలకు అడ్డంకిగా మారిందని తెలుస్తోంది. 
 
వచ్చే నెలలో, అంటే.. సమ్మర్‌ చివర్లో.. కిక్‌-2; పండగ చేస్కో, జ్యోతిలక్ష్మి చిత్రాలు వున్నాయి. తర్వాత జాదూగాడు, టైగర్‌, జేమ్స్‌బాండ్‌, అసుర చిత్రాలు ముందుకు వస్తున్నాయి. ఇవేమీ ఇండస్ట్రీని మార్చేయలేవు. పెద్ద చిత్రంగా వచ్చిన బాలయ్య 'లయన్‌' కమర్షియల్‌గా పెద్దగా వర్కవుట్‌ కాలేదని సినీ పండితులు విశ్లేషిస్తున్నారు.