శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By CVR
Last Updated : సోమవారం, 30 మార్చి 2015 (13:56 IST)

బాబాయ్, అబ్బాయ్‌ల మధ్య చిచ్చు పెట్టేదెవరు..?

తెలుగు సినీ పరిశ్రమలో అతిపెద్దది కుటుంబం నందమూరి ఫ్యామిలీ. అయితే ఇటీవల నందమూరి ఫ్యామిలీలో విభేదాలు నెలకొన్న విషయం తెలిసిందే. ఇప్పటికే జూనియర్ ఎన్టీఆర్, బాలకృష్ణ మధ్య సంబంధాలు లేవు. అదేవిధంగా హరికృష్ణ - బాలకృష్ణ మధ్య కూడా అంతగా మాటలు లేవనే విషయం తెలిసిందే. 
 
ఇక పోతే కాస్తోకూస్తో మంచి సంబంధాలను కొనసాగిస్తున్న వారు బాలకృష్ణ, కళ్యాణ్ రామ్‌‌. తాజాగా వీరి మధ్య కూడా చిచ్చు రగిలినట్లు కోలీవుడ్ టాక్. అది ఎవరని విచారిస్తే ఓ సినిమా అట. మే 1న బాలకృష్ణ తాజా సినిమా లయన్ విడుదల కాబోతుంది. మరో వారం రోజుల తేడాతో అంటే మే 7న రవితేజ కిక్ 2 విడుదలవుతుంది. 
 
బాబాయ్‌కి పోటిగా అబ్బాయ్ సినిమా విడుదలవడం పరిశ్రమలో చర్చనీయంశంగా మారింది. కిక్ 2 సినిమాకి కళ్యాణ్ రామ్ నిర్మాత అన్న విషయం తెలిసిందే. అంతేకాదు బాలకృష్ణ, రవితేజల మధ్య కూడా పాత గొడవలు ఉన్నాయి.
 
గతంలో నటి మీరా జాస్మిన్ విషయంలో రవితేజపై బాలకృష్ణ చేయిచేసుకున్నాడనే వార్త అప్పట్లో పెద్ద దుమారాన్నే రేపింది. అప్పటి నుంచి వారి మధ్య కోల్డ్ వార్ నడుస్తుందని టాక్. ఆ మధ్య వచ్చిన రవితేజ చిత్రం బలుపులోని ఓ డైలాగ్ బాలయ్యని ఉద్దేశించినదే అనే టాక్ కూడా సంచలం సృష్టించింది. 
 
ఇన్ని సమస్యల నడుమ వస్తున్న కిక్ 2 మే 7 న విడుదల అవుతుండడంతో మళ్ళీ పాత గొడవలు మొదలవడం ఖాయం అని సినీ వర్గాల్లో టాక్ వినిపిస్తుంది. మొత్తం మీద లయన్, కిక్ 2ల విడుదల వలన బాబాయ్, అబ్బాయ్‌ మధ్య చిచ్చు రగులుకుంటుందని సినీ వర్గాల టాక్.