శుక్రవారం, 29 మార్చి 2024
  1. వినోదం
  2. తెలుగు సినిమా
  3. గుసగుసలు
Written By chitra
Last Updated : బుధవారం, 26 అక్టోబరు 2016 (16:46 IST)

'ధనుష్ ప్లేబాయ్' కాదు.. మాది సినిమా ఫ్యామిలీ.. గాసిప్స్ నమ్మను : ఐశ్వర్య

'3' చిత్రం ద్వారా కోలీవుడ్‌లోకి దర్శకురాలిగా అడుగుపెట్టిన ఐశ్వర్య ఆ తర్వాత' వైరాజావై' చిత్రానికి దర్శకత్వం వహించారు. ప్రస్తుతం స్టంట్ కళాకారుల జీవిత ఇతివృత్తంతో 'సినిమా వీరన్' అనే లఘు చిత్రాన్ని రూపొం

'3' చిత్రం ద్వారా కోలీవుడ్‌లోకి దర్శకురాలిగా అడుగుపెట్టిన ఐశ్వర్య ఆ తర్వాత' వైరాజావై' చిత్రానికి దర్శకత్వం వహించారు. ప్రస్తుతం స్టంట్ కళాకారుల జీవిత ఇతివృత్తంతో 'సినిమా వీరన్' అనే లఘు చిత్రాన్ని రూపొందిస్తున్నారు. అదేవిధంగా తన తండ్రి సూపర్‌స్టార్ జీవిత చరిత్రను రాసి, దాన్ని వెండి తెరపై ఆవిష్కరించే పనిలోనూ బిజిబిజీగా ఉన్నారు. 
 
ఇదిలావుంటే... నా భర్త ఎలాంటి వారో నాకు బాగా తెలుసని సూపర్‌స్టార్ రజినీకాంత్ పెద్ద కూతురు, దర్శకురాలు ఐశ్వర్య ధనుష్ అంటున్నారు. కోలీవుడ్ హీరో ధనుష్ గురించి రకరకాల పుకార్లు షికార్లు చేశాయి. 'ధనుష్ ప్లేబాయ్' అని, కొందరు 'నటీమణులతో చెట్టాపట్టాల్' అంటూ వదంతులు కలకలం రేపాయి. అంతేకాదు ఇలాంటి వదంతుల కారణంగా కుటుంబంలో సమస్యలు తలెత్తినట్లు, చివరకు సూపర్ స్టార్ రజినీకాంత్ కలగజేసుకుని పరిస్థితిని చక్కదిద్దినట్లు కోలీవుడ్ వర్గాలు చెవులు కొరుక్కుంటున్నాయి. 
 
తన భర్తపై ప్రచారం అవుతున్న వదంతులకు ఐశ్వర్య తనదైనశైలిలో స్పందిస్తూ... తాను డాక్టర్‌నో, లాయర్‌నో అయివుంటే ఇలాంటి వదంతులకు ఆగ్రహించేదాన్ని... తనది సినిమా కుటుంబం అని, సినిమా గురించి తనకు పూర్తిగా తెలుసనే అభిప్రాయాన్ని వ్యక్తం చేశారు. ముఖ్యంగా తన భర్త ధనుష్ గురించి, ఆయన ఎలాంటి వారో తనకు బాగా తెలుసన్నారు. ఇలాంటి పనికిమాలిన, అసత్య ప్రచారాల గురించి పట్టించుకోవలసిన అవసరమో, బాధపడాల్సిన పనోలేదని ఐశ్వర్య ధనుష్ స్పష్టం చేసినట్లు సమాచారం.