పవన్ కళ్యాణ్‌పై కాదు.. త్రివిక్రమ్‌పై ఉన్న నమ్మకంతోనే ఓకే చెప్పా : అనూ ఇమ్మాన్యూయేల్
పవర్ స్టార్ పవన్ కళ్యాణ్ - త్రివిక్రమ్ కాంబినెషన్‌లో తెరెకెక్కే చిత్రంలో నటించే ఛాన్స్‌ కొట్టేసిన భామ అనూ ఇమ్మాన్యూయేల్. 'మజ్ను' చిత్రంతో టాలీవుడ్ ప్రేక్షకులకు సుపరిచితురాలైన ఈ మలయాళ కుట్టి... తన రెండ
పవర్ స్టార్ పవన్ కళ్యాణ్ - త్రివిక్రమ్ కాంబినెషన్‌లో తెరెకెక్కే చిత్రంలో నటించే ఛాన్స్‌ కొట్టేసిన భామ అనూ ఇమ్మాన్యూయేల్. 'మజ్ను' చిత్రంతో టాలీవుడ్ ప్రేక్షకులకు సుపరిచితురాలైన ఈ మలయాళ కుట్టి... తన రెండో చిత్రంలో గోపీచంద్, మూడో చిత్రంలో రాజ్ తరుణ్‌తో నటించింది. ఆ తర్వాత తన నాలుగో చిత్రంలో ఏకంగా పవన్ కల్యాణ్ సినిమా అవకాశాన్ని సొంతం చేసుకొన్నది. ఈ అవకాశంపై ఆమె స్పందిస్తూ...
'మజ్ను' సినిమాలో నా నటన నచ్చి దర్శకుడు తివిక్రమ్‌ నన్ను సంప్రదించారు. ఆయన ఓ పెద్ద డైరెక్టర్‌ కావడంతో హీరో, కథ, మిగితా విషయాల గురించి అస్సలేమాత్రం పట్టించుకోలేదు. కేవలం త్రివిక్రమ్ మీద ఉన్ననమ్మకంతోనే చిత్రం చేసేందుకు సమ్మతించినట్టు చెప్పారు.
'కిట్టుగాడున్నాడు జాగ్రత్త'లో హీరో రాజ్‌తరుణ్‌తో జతకట్టాను. ఈ సినిమా షూటింగ్‌ ఎప్పటికీ మరిచిపోలేను. ఎందుకంటే ఆ సినిమాలో కనిపించే కుక్కల్లో చాలా మటుకు రాజ్‌తరుణ్‌ పెంపుడుకుక్కలే! వాటితో భలే కాలక్షేపం అయ్యేది. ఇక పవన్ కల్యాణ్‌గారితో షూటింగ్‌ ఇప్పుడే మొదలయింది. ఈ సినిమా ఒప్పుకున్న తర్వాత టెన్షన్‌గా ఫీలయ్యాను. షూటింగ్‌ ప్రారంభమయ్యాక అది తగ్గిందని చెప్పుకొచ్చింది.
