తనయుడి హీరోయిన్ తండ్రితో... మెగాస్టార్తో జతకట్టనున్న కాజల్
కాజల్ అగర్వాల్.. టాలీవుడ్లోని అగ్రహీరోయిన్లలో ఒకరు. మహేష్ బాబు 'బ్రహ్మోత్సవం'లో నటించిన ఈ ముద్దుగుమ్మ.. ఆ తర్వాత ఒక్క చిత్రానికి కూడా సంతకం చేయకుండా ఇంటిపట్టునే ఉంది. దీనికి
కాజల్ అగర్వాల్.. టాలీవుడ్లోని అగ్రహీరోయిన్లలో ఒకరు. మహేష్ బాబు 'బ్రహ్మోత్సవం'లో నటించిన ఈ ముద్దుగుమ్మ.. ఆ తర్వాత ఒక్క చిత్రానికి కూడా సంతకం చేయకుండా ఇంటిపట్టునే ఉంది. దీనికి కారణం ఉందని హైదరాబాద్ ఫిల్మ్ వర్గాలు పేర్కొంటున్నాయి.
అదేంటంటే... మెగాస్టార్ చిరంజీవి నటిస్తున్న '150'వ చిత్రం ఇటీవలే లాంఛనంగా ప్రారంభమై షూటింగ్ కూడా జరుపుకుంటోంది. ఈ చిత్రాన్ని ఆయన తనయుడు, హీరో రామ్చరణ్ నిర్మిస్తున్నారు. వి.వి.వినాయక్ దర్శకుడు. ప్రస్తుతం హైదరాబాద్లో చిత్రీకరణ జరుగుతోంది.
ఇదిలావుండగా ఈ సినిమాలో నటించే కథానాయిక విషయమై గత కొన్ని రోజులుగా సందిగ్ధత నెలకొంది. పలువురు అగ్ర కథానాయికల పేర్లు తెరపైకి వచ్చాయి. తాజా సమాచారం ప్రకారం ఈ సినిమాలో కథానాయికగా కాజల్ అగర్వాల్ను ఖరారు చేయబోతున్నట్లు తెలిసింది. ఈ సినిమా టైటిల్ను త్వరలో ప్రకటించి టీజర్ను విడుదల చేయడానికి సన్నాహాలు చేస్తున్నారు.