చిరు 150 సినిమా... టాలీవుడ్ రచయితలంతా కుస్తీ పడుతున్నారా...?!!
చిరంజీవి 150వ చిత్రం గురించి రకరకాలుగా వార్తలు వస్తున్నాయి. ఇటీవలే ఆయన కడపలో పర్యటిస్తే... సినిమా ఎప్పుడూ అని జనాలు ఎగబడ్డారు. ఇటీవలే ఈ చిత్ర కథపై వివాదం వచ్చింది. ఇది కావాలని పబ్లిసిటీ కోసం చేసిందా? నిజంగానే ఎన్‌ఆర్‌ఐ కథ ఇచ్చాడా? అనే విషయంలో సరైన క్లారిటీ ఎవ్వరూ ఇవ్వలేకపోయారు. ఇక ఆ కథ తనదేనని పూరీ చెప్పడంతో క్లియర్‌ అయినట్లుంది.
ఇది పక్కన పెడితే... ప్రస్తుతం ఈ సినిమాకు పూరీ స్నేహితులు.. బివిఎస్‌రవితో పాటు యంగ్‌ రచయితలంతా పనిచేస్తున్నారు. ఇంకోవైపు పరుచూరి బ్రదర్స్‌ కూడా తలోచేయి వేయడానికి గ్రీన్‌సిగ్నల్‌ ఇచ్చారు. గత ఏడాదిలో పరుచూరి సోదరులు.. ఓ పోరాటయోధుని కథ చెప్పడం.. అదిగో, ఇదిగో అని అనడం జరిగింది. కట్‌ చేస్తే.. ఇప్పటికి చిరు సినిమా ఓకే అయింది.
కాగా, ఈ సినిమా మొత్తం రామ్‌చరణ్ పర్యవేక్షణలో జరుగుతుంది. కథ, డైలాగ్‌లో ఎటువంటి మార్పులున్నా... తనకు తెలియాల్సిందేనని సూచన కూడా చేశాడని ఫిలింనగర్‌లో కథనాలు విన్పిస్తున్నాయి. ఈ విషయంలో పరుచూరి బ్రదర్స్‌ను పెద్దదిక్కుగా పెట్టినట్లు సమాచారం. ఇప్పటికే జ్యోతిలక్ష్మి సినిమా విడుదలకు పూరీ సిద్ధంగా వున్నాడు. మరి చిరు సినిమాను కూడా అనుకున్న డేట్స్‌ ప్రకారం త్వరగా తీయాలని నిర్ణయించారు.
