సింగం 3 నుంచి దేవిశ్రీ ప్రసాద్ ఔట్... కారణం అదే...

ప్రముఖ సంగీత దర్శకుడు దేవిశ్రీప్రసాద్ కు సింగం 3 డైరెక్టర్ షాక్ ఇచ్చాడు. ఇప్పటివరకూ వచ్చిన సింగం 1, సింగం 2 చిత్రాలకు దేవిశ్రీ చేతనే సంగీతం చేయించారు. కానీ తాజాగా తీస్తున్న సింగం 3 చిత్రానికి సంగీతం వహించే బాధ్యత నుంచి దేవిశ్రీని తప్పించేశాడు దర్శకుడు హరి. ఈ బాధ్యతను హారిస్ జయరాజ్ కు అప్పగించినట్లు సమాచారం.

దేవిశ్రీని ఈ ప్రాజెక్టు నుంచి తప్పించడం వెనుక పలు కారణాలున్నాయని అంటున్నారు. నాన్నకు ప్రేమతో, సర్దార్ గబ్బర్ సింగ్, ఎన్టీఆర్-కొరటాల కాంబినేషన్‌లో రాబోయే చిత్రాలకు మ్యూజిక్ ఇస్తూ దేవిశ్రీ బాగా బిజీ అయిపోయాడు. మరోవైపు దిల్ రాజు నిర్మాతగా, సుకుమార్ దర్శకత్వంలో హీరోగా నటించబోతున్నాడు. హీరో అయిపోతున్న మ్యూజిక్ డైరెక్టరుతో ఇక మ్యూజిక్ ఏం చేయిస్తాం అనే ఆలోచనలో కోలీవుడ్ దర్శకులు ఉన్నట్లు సమాచారం. మరి ఇది దేవిశ్రీకి ప్లస్ అవుతుందో మైనస్ అవుతుందో చూడాలి.