దిల్ రాజు, అల్లు అర‌వింద్ క‌లిసి సినిమా చేస్తున్నారా?

అభిరుచి గ‌ల నిర్మాత‌ దిల్ రాజుకు బాలీవుడ్లో ఎంట్రీ ఇవ్వాల‌నేది కోరిక‌. గ‌తంలో ప్లాన్ చేసారు కానీ.. వ‌ర్క‌వుట్ అవ్వ‌లేదు. ఎప్పుడంటారా..?  భార‌తీయుడు 2 సినిమాని హిందీలో దిల్ రాజు నిర్మించాలి అనుకున్నారు. ఎనౌన్స్‌మెంట్ కూడా ఇచ్చారు అయితే.. కొన్ని కార‌ణాల వ‌ల‌న ఈ ప్రాజెక్ట్ క్యాన్సిల్ అయ్యింది. విక్ట‌రీ వెంక‌టేష్ - మెగా హీరో వ‌రుణ్ తేజ్ కాంబినేష‌న్లో రూపొందిన ఎఫ్ 2 చిత్రాన్ని దిల్ రాజు హిందీలో నిర్మిస్తున్నారు. 

ఈ సినిమాతో పాటు బాలీవుడ్లో మ‌రో సినిమాని కూడా దిల్ రాజు ప్లాన్ చేస్తున్నారు. ఇంత‌కీ ఏ సినిమా అంటారా..? నేచుర‌ల్ స్టార్ నాని న‌టించిన జెర్సీ. తెలుగులో విమ‌ర్శ‌కుల ప్ర‌శంస‌లు అందుకున్న ఈ సినిమాని హిందీలో రీమేక్ చేయ‌డానికి ప్లాన్ చేస్తున్నారు. దిల్ రాజు ఈ సినిమాని మెగా ప్రొడ్యూస‌ర్ అల్లు అర‌వింద్‌తో క‌లిసి నిర్మించ‌నున్నార‌ని వార్త‌లు వ‌స్తున్నాయి. 

ప్ర‌స్తుతం ప్రీ ప్రొడ‌క్ష‌న్ వ‌ర్క్ జ‌రుగుతోంది. జెర్సీ చిత్రానికి ద‌ర్శ‌కత్వం వ‌హించిన గౌత‌మ్ తిన్న‌నూరి హిందీ రీమేక్‌కి కూడా ద‌ర్శ‌క‌త్వం వ‌హించ‌నున్నాడ‌ని స‌మాచారం. హీరో ఎవ‌ర‌నేది ఇంకా ఫైన‌ల్ కాలేదు. అంతా ఫైన‌ల్ అయిన త‌ర్వాత  త్వ‌ర‌లోనే అఫిషియ‌ల్‌గా ఎనౌన్స్ చేయ‌నున్నార‌ని తెలిసింది. మ‌రి.. దిల్ రాజు బాలీవుడ్ ఎంట్రీ ఎలా ఉంటుందో చూద్దాం.