శుక్రవారం, 29 మార్చి 2024
  1. వినోదం
  2. తెలుగు సినిమా
  3. గుసగుసలు
Written By pnr
Last Updated : గురువారం, 12 జనవరి 2017 (06:44 IST)

చిరంజీవి "ఖైదీ" సూపర్ హిట్‌తో నిర్మాత దిల్ రాజుకు భారీ నష్టం!

మెగాస్టార్ చిరంజీవి నటించిన తాజా చిత్రం "ఖైదీ నంబర్ 150". ఈ చిత్రం సూపర్ హిట్ టాక్‌ను సొంతం చేసుకుంది. దీంతో ప్రపంచ వ్యాప్తంగా కనకవర్షం కురిపిస్తూ.. రికార్డులు కుమ్మేస్తోంది. ఫలితంగా ఈ చిత్రం నిర్మాతత

మెగాస్టార్ చిరంజీవి నటించిన తాజా చిత్రం "ఖైదీ నంబర్ 150". ఈ చిత్రం సూపర్ హిట్ టాక్‌ను సొంతం చేసుకుంది. దీంతో ప్రపంచ వ్యాప్తంగా కనకవర్షం కురిపిస్తూ.. రికార్డులు కుమ్మేస్తోంది. ఫలితంగా ఈ చిత్రం నిర్మాతతో పాటు.. మెగా ఫ్యామిలీ చాలా సంతోషంలో ఉంది. కానీ, ప్రముఖ నిర్మాత దిల్ రాజు మాత్రం దుఃఖంలో మునిగిపోయారు. దీనికి కారణం ఖైదీ చిత్రానికి సూపర్ హిట్ టాక్ రావడమే. దీనివల్ల ఆయన భారీ నష్టాలను మూటగట్టుకోనున్నారు. ఏంటీ.. సినిమా హిట్ అయితే.. లాభాలే కదా వస్తాయి.. నష్టాల్లో ఎందుకు కూరుకుంటారనే కదా మీ సందేహం.. అయితే, ఈ కథనం చదవండి. 
 
సంక్రాంతి కానుకగా బుధవారం ప్రేక్షకుల ముందుకొచ్చిన మెగాస్టార్ చిరంజీవి 'ఖైదీ నెం.150' సూపర్ హిట్‌ను సొంతం చేసుకుంది. దాదాపు 9 యేళ్ల తర్వాత రీ-ఎంట్రీ ఇచ్చినా.. మెగాస్టార్‌లో ఆ జోరు.. ఆ ఊపు.. ఆ గ్రేసు ఏమాత్రం తగ్గలేదని అభిమానులు కితాబిస్తున్నారు. మెగా ఖైదీపై ప్రేక్షకులు, సినీ ప్రముఖులు ప్రశంసల వర్షం కురిపిస్తున్నారు. హిట్ టాక్‌ని సొంతం చేసుకొన్న మెగా ఖైదీ థియేటర్స్ పెంచేందుకు చిత్రబృందం ట్రై చేస్తోంది. పైగా థియేటర్స్ సంఖ్యను పెంచడం అటుంచి ప్రస్తుతం ఆడుతున్న థియేటర్స్ నుంచి మెగా ఖైదీని తీసేసేందుకు అస్సలు ఇష్టపడటం లేదు.
 
ఈ క్రమంలో సంక్రాంతి కానుకగా ఈనెల 14న రిలీజ్ కానున్న దిల్ రాజు 'శతమానం భవతి' కోసం బుక్ చేసుకొన్న థియేటర్స్‌లో మెగా ఖైదీని తీసేసేందుకు చిత్రబృందం ఇష్టపడటం లేదు. ఈ నేపథ్యంలో దాదాపు 200 థియేటర్స్‌ని దిల్ రాజు వదులుకోవాల్సి వస్తుందట. దీంతో తన సొంత చిత్రం శతమానం భవతిని అతి తక్కువ థియేటర్లలోనే విడుదల చేయాల్సిన పరిస్థితి ఏర్పడింది. 
 
ఇందుకు దిల్ రాజు అంగీకరించక పోవడంతో రంగంలోకి దిగిన మరో నిర్మాత అల్లు అరవింద్ డీల్ సెట్ చేస్తున్నాడంట. అయితే, మొత్తంగా చూస్తే మెగా ఖైదీ కారణంగా దిల్ రాజు పంపిణీదారుడిగా కాస్తో.. కూస్తో లాభాలు చవిచూసే ఛాన్స్ ఉంది. కానీ, సొంతం చిత్రం ద్వారా లాభాలు చవిచూడలేక... నష్టాన్ని భరించాల్సిన పరిస్థితి ఏర్పడింది. అయితే, ఈ నష్టాన్ని భవిష్యత్‌లో ఏ రకంగానైనా ఫిల్ చేస్తామని మెగా కాంపౌండ్ హామీ ఇచ్చినట్టు సమాచారం. దీంతో దిల్ రాజు ఊపిరి పీల్చుకున్నట్టు తెలుస్తోంది.