శుక్రవారం, 29 మార్చి 2024
  1. వినోదం
  2. తెలుగు సినిమా
  3. గుసగుసలు
Written By pnr
Last Updated : శనివారం, 10 జూన్ 2017 (10:35 IST)

నా జీవితం చేజేతులా నాశనం చేసుకున్నా : మనీషా కోయిరాలా

ఫేస్‌బుక్ ద్వారా పరిచయమైన ఓ ఫ్రెండ్‌ను వివాహం చేసుకుని, ఆ తర్వాత వైవాహిక బంధానికి స్వస్తి చెప్పిన బాలీవుడ్ నటి మనీషా కోయిరాలా. ప్రస్తుతం కేన్సర్ బారి నుంచి కోలుకుని ముంబైలో నివశిస్తూ... సినిమాల్లో రెం

ఫేస్‌బుక్ ద్వారా పరిచయమైన ఓ ఫ్రెండ్‌ను వివాహం చేసుకుని, ఆ తర్వాత వైవాహిక బంధానికి స్వస్తి చెప్పిన బాలీవుడ్ నటి మనీషా కోయిరాలా. ప్రస్తుతం కేన్సర్ బారి నుంచి కోలుకుని ముంబైలో నివశిస్తూ... సినిమాల్లో రెండో ఇన్నింగ్స్ మొదలుపెట్టింది. దీనిపై ఆమె స్పందిస్తూ... 
 
తన పెళ్లి ఫెయిల్ అవడానికి కారణం తానేనని చెప్పింది. తన భర్త సమ్రాట్‌ను ఫేస్‌బుక్ ద్వారా ఏర్పడిన పరిచయంతో, అతని అభిరుచులు నచ్చి 2010లో వివాహం చేసుకున్నానని చెప్పింది. వివాహం గురించి ఎన్నో కలలు కన్నానని తెలిపింది. కానీ, ఆ కలలన్నీపగటి కలలుగానే మిగిలిపోయాయని ఆవేదన వ్యక్తంచేసింది. 
 
అదేసమయంలో వైవాహిక అనుబంధం సరైనది కానప్పుడు విడిపోవడమే మంచిదని భావించానని, అందుకే 2012లో విడాకులు తీసుకున్నానని తెలిపింది. అయితే ఇందులో తన భర్త తప్పు ఏమాత్రం లేదని తెలిపింది. తప్పంతా తనదేనని స్పష్టం చేసింది. కాగా, మనీషా పూటుగా తాగి పలు సందర్భాల్లో తూలుతూ మీడియా కంటబడిన సంగతి తెలిసిందే.