యే దిల్ హై ముష్కిల్ చిత్రంలో హాట్ సన్నివేశాలకు కత్తెర వేయలేదు : కరణ్ జొహార్
ఐశ్వర్యరాయ్, అనుష్క శ‌ర్మ, ర‌ణ‌బీర్ కపూర్ ప్రధాన పాత్రలో తెరకెక్కిన ట్ర‌యాంగిల్ ల‌వ్ స్టోరీ యే దిల్ హై ముష్కిల్. క‌ర‌న్ జోహార్ డైర‌క్ట్ చేస్తున్న ఈ సినిమాలో పాకిస్థాన్ సూప‌ర్ స్టార్ ఫ‌హ‌ద్ ఖాన్ ఓ ముఖ్
ఐశ్వర్యరాయ్, అనుష్క శ‌ర్మ, ర‌ణ‌బీర్ కపూర్ ప్రధాన పాత్రలో తెరకెక్కిన ట్ర‌యాంగిల్ ల‌వ్ స్టోరీ యే దిల్ హై ముష్కిల్. క‌ర‌న్ జోహార్ డైర‌క్ట్ చేస్తున్న ఈ సినిమాలో పాకిస్థాన్ సూప‌ర్ స్టార్ ఫ‌హ‌ద్ ఖాన్ ఓ ముఖ్య పాత్ర పోషిస్తున్నాడు. ట్ర‌యాంగిల్ స్టోరీగా తెరకెక్కుతున్న ఈ చిత్రంలో ప్రేమికుల భావోద్వేగాలు ప్రేక్ష‌కుల‌ను థ్రిల్ చేసే అంశాలు అన్ని ఉన్నాయని తెలుస్తోంది. అయితే తాజాగా ఈ చిత్రానికి సంబంధించి ట్రైలర్‌‌ని విడుదల చేశారు.
ఇందులో కామెడీ సన్నివేశాలతో పాటు రొమాంటిక్ సీన్స్‌ని ఆడియన్స్ టేస్ట్‌‌కి తగ్గట్టు చూపించాడు కరణ్ జోహార్. ప్రేమ, ఫ్రెండ్షిప్, హార్ట్ బ్రేక్ ఈ మూడు అంశాలతో సినిమా తెరకెక్కగా ప్రతి సన్నివేశం సినీ లవర్స్‌ని సీట్లకు అతుక్కుపోయేలా చేస్తోందని నిర్మాతలు చెబుతున్నారు. అక్టోబర్ 28న ఈ చిత్రం విడుదల కానున్న నేపథ్యంలో ఈ సినిమా ట్రైలర్‌ చూసి అందరూ ఇందులో ఐష్‌, రణ్‌బీర్‌ మధ్య ముద్దు సన్నివేశాలు ఉన్నాయని అనుకుంటున్నారు.
కానీ సినిమాలో స్కిన్‌షో కానీ ముద్దు సన్నివేశాలు కానీ లేవని దర్శక-నిర్మాత కరణ్ జోహార్ వెల్లడించాడు. ఎన్నో అవాంతరాలు దాటుకుని శుక్రవారం విడుదలకు సిద్ధమైన ఈ సినిమాపై కరణ్ జోహార్ ముంబైలో నిర్వహించిన ఓ కార్యక్రమంలో మాట్లాడుతూ.. సినిమా మొత్తంలో ఐశ్వర్య తన పాత్రకు కేవలం కళ్లు, తన వైఖరితో ప్రాణం పోసిందని ఓ నటిగా పాత్రకు ఏం కావాలో ఐష్‌కి తెలుసని అన్నాడు. కాగా సెన్సార్‌బోర్డు సినిమాలో మూడు లిప్‌లాక్‌ సన్నివేశాలను కట్‌ చేసి సర్టిఫికేట్‌ ఇచ్చిందని వార్తలు వస్తున్నాయని కానీ అసలు సినిమాలో అలాంటి సన్నివేశాలే లేవని స్పష్టం చేశాడు కరణ్ జోహార్.
