నివేథా థామ‌స్ మిస్ అయ్యింది... నివేథా పేతురాజ్‌కి ప్ల‌స్ అయ్యింది. అస‌లేం జరిగింది..?
మెంట‌ల్ మ‌దిలో, చిత్ర‌ల‌హ‌రి చిత్రాల్లో న‌టించి ప్రేక్ష‌కుల‌ను ఆక‌ట్టుకున్న క‌థానాయిక నివేదా పేతురాజ్. ఈ ముద్దుగుమ్మ బ‌న్నీ సినిమాలో న‌టించే ల‌క్కీ ఛాన్స్ ద‌క్కించుకుంది. జులాయి, స‌న్నాఫ్ స‌త్య‌మూర్తి చిత్రాల త‌ర్వాత బ‌న్నీ, త్రివిక్ర‌మ్ క‌లిసి సినిమా చేస్తోన్న విష‌యం తెలిసిందే. గీతా ఆర్ట్స్ & హారిక & హాసిని క్రియేష‌న్స్ సంస్థ‌లు సంయుక్తంగా ఈ సినిమాని నిర్మిస్తున్నాయి.
ప్ర‌స్తుతం హైద‌రాబాద్‌లో సెకండ్ షెడ్యూల్ షూటింగ్ జ‌రుపుకుంటోంది. తాజా వార్త ఏంటంటే.. ఇద్ద‌రు క‌థానాయిక‌ల‌కు స్థాన‌మున్న ఈ చిత్రంలో సెకండ్ హీరోయిన్ పాత్ర‌కి కేథ‌రిన్ థెరిస్సా, కేతిక శ‌ర్మ పేర్లు ప్ర‌చారంలోకి వ‌చ్చాయి. నివేథా థామ‌స్ పేరు కూడా వినిపించింది. అయితే.. ఫైన‌ల్‌గా ఆ పాత్ర నివేదా పేతురాజ్‌కి ద‌క్కింది. అంతేకాకుండా... తాజాగా మొద‌లైన సెకండ్ షెడ్యూల్‌లో నివేదా కూడా జాయిన్ అయిందనేది సమాచారం. ఈ సినిమాలో ఛాన్స్ రావ‌డం అంటే నివేథాకు బంప‌ర్ ఆఫ‌రే..!
