బాలీవుడ్ స్టార్‌తో పీకల్లోతు ప్రేమలో మునిగిపోయిన శృతిహాసన్...
తమిళ హీరో కమల్ హాసన్ కూతురిగా సినిమాల్లోకి ఎంట్రీ ఇచ్చిన శృతి హాసన్ తక్కువ కాలంలోనే ఆ బ్రాండ్ నుంచి బయటపడింది. కమల్ హాసన్ కూతురిగానే కంటిన్యూ అయివుంటే… కమల్ కూతురు ఎక్స్‌పోజింగ్ చేయడమా? కమల్ కూతురు అల
తమిళ హీరో కమల్ హాసన్ కూతురిగా సినిమాల్లోకి ఎంట్రీ ఇచ్చిన శృతి హాసన్ తక్కువ కాలంలోనే ఆ బ్రాండ్ నుంచి బయటపడింది. కమల్ హాసన్ కూతురిగానే కంటిన్యూ అయివుంటే… కమల్ కూతురు ఎక్స్‌పోజింగ్ చేయడమా? కమల్ కూతురు అలాంటి సినిమాలు చేయడమా? కమల్ హాసన్ కూతురి యాక్టింగ్ ఆయన స్థాయిలో లేదేంటి? వంటి విమర్శలు తరచుగా ఫేస్ చేస్తూ ఉండాల్సి వచ్చేది. అందుకే ఆ బ్రాండ్‌ని వెంటనే వదిలించుకుంది.
ఆ తర్వాత నుంచి ఎక్స్‌పోజింగ్ అయినా యాక్టింగ్ అయినా తనకు నచ్చిన పంథాలో చేసుకుంటూ పోతూ ఉంది. ఈ అమ్మడు కోలీవుడ్‌, టాలీవుడ్ కంటే బాలీవుడ్‌పైనే ఫోకస్‌ ఎక్కువగా పెట్టింది. తాజాగా ఈ భామ గురించి ఓ ఆసక్తికర వార్త బాలీవుడ్‌లో చక్కర్లు కొడుతోంది. కత్రినా కైఫ్‌కు బ్రేకప్‌ చెప్పేసిన బాలీవుడ్ లవర్‌బాయ్‌ రణ్‌బీర్‌ కపూర్‌తో శృతి ప్రేమలో పడిపోయాడని గుసగుసలు వినిపిస్తున్నాయి.
వీరిద్దరూ ఇదివరకే ఓ యాడ్‌ఫిల్మ్‌ కోసం కలిసి పనిచేశారు. ఆ సమయం నుంచే వీరి మధ్య స్నేహం చిగురించింది. ఆ స్నేహం కాస్త ప్రేమగా మారిపోయింది. అంతేకాదు రణ్‌బీర్‌ తాజా సినిమా ''యే దిల్‌ హై ముష్కిల్''’ షూటింగ్‌ స్పాట్‌కు కూడా శృతి పలుసార్లు వచ్చిందని, షూటింగ్‌ గ్యాప్‌లో వారు మాట్లాడుకుంటూనే ఉండేవారనీ బాలీవుడ్ వర్గాలు అంటున్నాయి. అంతేకాకుండా వీరిద్దరూ చాలాసార్లు చెట్టాపట్టాలేసుకుని నైట్‌ క్లబ్‌లకు, ముంబైలోని సబర్బన్‌ రెస్టారెంట్లకు వెళ్లారని సమాచారం. మరి ఏది నిజమో తెలియాలంటే కొన్ని రోజులు వేచి చూడాల్సిందే!
