శృతి హాసన్ ఐటం సాంగ్ రేటు రూ.75 లక్షలు!
హీరోయిన్ శృతి హాసన్‌కు సాధారణ చిత్రాల్లో నటించడం కంటే ఐటం సాంగ్‌లలో నటించేందుకే అమితాసక్తి చూపుతోంది. ఒక చిత్రం పూర్తి చేసేందుకు ఒప్పందం కుదుర్చుకుని నెలా రెండు నెలల పాటు డేట్స్ ఇచ్చి కథానాయికగా నటిస్తే వచ్చేదాని కన్నా ఎక్కువగా ఈ ఐటెం పాటలకు చెల్లించే డబ్బులే అధికంగా ఉండటంతో ఆమె ఇటువైపే మొగ్గు చూపుతోంది.
ఇటీవల మహేష్ బాబుతో 'ఆగడు'లో ఐటెం పాట చేసినందుకు 50 లక్షల రూపాయల వరకు శృతి హాసన్ అందుకున్నట్టు వార్తలు వచ్చాయి. ఇపుడు తాజాగా ఓ హిందీ చిత్రంలో ఐటం సాంగ్ చేసేందుకు రూ.75 లక్షల వరకు చార్జ్ చేస్తున్నట్టు సమాచారం. మహేష్ బాబు నటించిన 'ఒక్కడు' చిత్రాన్ని హిందీలో 'తేవర్' పేరుతో రీమేక్ చేస్తున్నారు. ఈ చిత్రంలో ఓ ఐటెం పాటలో శృతిహాసన్ నర్తించనుంది. ఈ పాటలో గ్లామరస్‌గా నటిస్తున్నందుకు 75 లక్షలు చార్జ్ చేస్తోందని బాలీవుడ్ సమాచారం. ఈ చిత్రంలో అర్జున్ కపూర్‌తో కలిసి శృతిహాసన్ నటించనుంది.
