నాగార్జున-నాని మల్టీస్టారర్‌లో రకుల్ ప్రీత్ సింగ్..
నాగార్జున- అనుష్క కెమిస్ట్రీ అంటేనే ఫ్యాన్స్ మధ్య మంచి ఫాలోయింగ్ వుంది. అందుకే ఈ జంట వెండితెరపై మళ్లీ మళ్లీ రిపీట్ అవుతూ వుంటుంది. కానీ ఈసారి అనుష్కను రకుల్ ప్రీత్ సింగ్ బీట్ చేసిందని ఫిలిమ్ నగర్ వర్గ
నాగార్జున- అనుష్క కెమిస్ట్రీ అంటేనే ఫ్యాన్స్ మధ్య మంచి ఫాలోయింగ్ వుంది. అందుకే ఈ జంట వెండితెరపై మళ్లీ మళ్లీ రిపీట్ అవుతూ వుంటుంది. కానీ ఈసారి అనుష్కను రకుల్ ప్రీత్ సింగ్ బీట్ చేసిందని ఫిలిమ్ నగర్ వర్గాల్లో జోరుగా ప్రచారం సాగుతోంది. నాగ్- అనుష్క కాంబోలో ఇప్పటికే అరడజను సినిమాలొచ్చాయి. ఛేంజ్ కోసం.. అనుష్క ప్లేసులో రకుల్ను తీసుకున్నట్లు సమాచారం.
నాగార్జున, నాని కథానాయకులుగా ఆదిత్య శ్రీరామ్‌ ఈ సినిమాకు దర్శకత్వం వహించనున్న సినిమాలో రకుల్ను ఓ క‌థానాయిక‌గా ఫైన‌ల్ చేశార‌ని తెలుస్తోంది. ప్ర‌స్తుతం ప్రీప్రొడ‌క్ష‌న్ స‌హా కాస్టింగ్ సెల‌క్ష‌న్స్ సాగుతున్న ఈ సినిమాలో రకుల్ ప్రీత్ సింగ్ నాని సరసన నటిస్తుందని సమాచారం. ఇక రకుల్ హిందీ చిత్రం ''అయ్యారి'' రిప‌బ్లిక్ డే కానుక‌గా రిలీజ‌వుతున్న సంగ‌తి తెలిసిందే.
ఆ క్ర‌మంలోనే బాలీవుడ్‌లో విస్త్ర‌తంగా ప్ర‌చారంతో బిజీగా ఉంది రకుల్. సూర్య 36వ సినిమాలోనూ రకుల్ నాయిక‌గా నటించింది. సెల్వరాఘవన్‌ దర్శకత్వంలో ఈ సినిమా తెర‌కెక్కుతోంది. మహేశ్‌బాబు-వంశీపైడిపల్లి కాంబినేషన్లో సినిమాకి ర‌కుల్‌నే ఎంపిక చేసుకునే అవకాశాలున్నట్లు తెలుస్తోంది. నాగార్జున-నాని మల్టీస్టారర్‌లో రకుల్ నానికి హీరోయిన్ అయితే.. అనుష్కనే నాగార్జునకు జోడీగా తీసుకునే అవకాశం లేకపోలేదని సినీ వర్గాల్లో టాక్.
