శుక్రవారం, 29 మార్చి 2024
  1. వినోదం
  2. తెలుగు సినిమా
  3. గుసగుసలు
Written By
Last Updated : గురువారం, 7 ఫిబ్రవరి 2019 (11:07 IST)

వెంకీ ఇంట్లో వెడ్డింగ్ బెల్స్... మార్చి 1న అశ్రిత వివాహం?

విక్టరీ వెంకటేష్ కుమార్తె అశ్రిత ఓ ఇంటికి కోడలు కానుంది. ఈమె వివాహం వచ్చే నెల ఒకటో తేదీన జరుగనున్నట్టు ఫిల్మ్ నగర్ వర్గాల సమాచారం. ఈ పెళ్లి వేడుకలను అత్యంత ఘనంగా జరిపేందుకు ఏర్పాట్లు చేస్తున్నట్టు తెలుస్తోంది. ఇందులోభాగంగా, బుధవారం రాత్రి అశ్రితకు నిశ్చితార్థం జరిగినట్టు వార్తలు వస్తున్నాయి. 
 
వెంకటేష్ పెద్ద కుమార్తె అశ్రిత... ఫుడ్ టెక్నాలజీలో ఉన్నత విద్యను అభ్యసించింది. ఈమె హైదరాబాద్ రేస్ క్లబ్ ఛైర్మన్ సురేందర్ రెడ్డి మనవడితో గత కొంతకాలంగా ప్రేమాయ‌ణంలో ఉంది. ఈ విషయాన్ని త‌న కుటుంబ స‌భ్యుల‌కి చెప్ప‌డంతో వారు గ్రీన్ సిగ్న‌ల్ ఇచ్చారనే వార్తలు అప్పట్లోనే వచ్చాయి. 
 
అయితే తాజా స‌మాచారం ప్ర‌కారం అశ్రిత నిశ్చితార్థ కార్యక్రమం బుధవారం సాయంత్రం అత్యంత రహస్యంగా, కేవలం ఇరు కుటుంబ సభ్యులు, శ్రేయోభిలాషులు, సన్నిహితుల మధ్యే జరిగినట్టు సమాచారం. ఇక వివాహానికి ముహూర్తం మార్చి ఒకటో తేదీన ఫిక్స్ చేశార‌ని టాక్‌. మ‌రి ఈ వార్త‌ల‌పై ద‌గ్గుబాటి ఫ్యామిలీ నుంచి ఏ ఒక్కరూ స్పందించడం లేదు. 
 
హీరో వెంకీ కూతురు అశ్రిత బేక‌రీ బిజినెస్ చేస్తుండ‌గా, ఇప్పటికే సిటీలో కొన్ని స్టాల్స్ ఏర్పాటు చేసిందట. ఇక‌ వెంక‌టేష్ త‌న మేన‌ల్లుడు నాగ చైత‌న్య‌తో క‌లిసి 'వెంకీ మామ' అనే చిత్రం చేయనున్నాడు. ఈ చిత్రం ఫిబ్ర‌వరి 22వ తేదీన సెట్స్‌పైకి వెళ్లనుంది. ఈ చిత్రానికి బాబీ ద‌ర్శ‌క‌త్వం వహించనున్నాడు. దగ్గుబాటి రానా కూడా ఓ కీలక పాత్రలో కనిపించనున్నాడు.