తెలుగు 'పులి' జాడే లేదు... ఈ పులి తోక ముడవడానికి కారణమేంటి...?!!
ఎందుకో ఈమధ్య పులి గురించిన వార్తలే ఎక్కువగా వస్తున్నాయి. మొన్నామధ్య ఢిల్లీలోని ఓ జూలో ఓ వ్యక్తి ప్రాణాలు కబళించిన పులి తప్పేమీ లేదని కోర్టు తేల్చేసింది. అదలావుంటే రాజస్థాన్ లో ఓ పులి దాహం కోసం నీటి బిందెలో తల పెట్టి ఇరుక్కుపోయింది. ఈ పులుల సంగతి ఇలావుంటే ఇప్పుడు సినిమా పులి కూడా తెలుగు రాష్ట్రాల్లో కనబడకుండా పోయింది.
వస్తూంది వస్తూంది అనుకుని రెడీగా ఉన్నవారు కాస్తా పులి కనబడకుండా పోయేసరికి కారణం ఏంటబ్బా అని ఆలోచనలో పడ్డారు. దీని వెనుక కారణం తెలుగు హక్కులు తీసుకున్న నిర్మాత చెల్లించాల్సిన డబ్బు ఇంకా చెల్లించలేదట. అందువల్ల తెలుగులో పులి విడుదలలో జాప్యం ఏర్పడిందని అనుకుంటున్నారు. మరి ఈ పులి ఎప్పటికి బయటకు వస్తుందో... ఇలాగైతే బాహుబలి ముందు పులి తన తోకను ముడుచుకోవాల్సిందే.
