శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By pnr
Last Updated : ఆదివారం, 11 జూన్ 2017 (14:39 IST)

బాలయ్యతో రాంగోపాల్ వర్మ ట్రెండ్ సెట్ చేస్తారంటున్న పూరీ జగన్నాథ్

నందమూరి హీరో బాలకృష్ణ - వివాదాస్పద దర్శకుడు రాంగోపాల్ వర్మ కాంబినేషన్‌లో ఓ చిత్రం రానుందా? అవుననే అంటున్నారు దర్శకుడు పూరీ జగన్నాథ్. రాంగోపాల్ వర్మ దర్శకత్వంలో నటించే బాలయ్య ఓ కొత్త ట్రెండ్‌ను సెట్ చే

నందమూరి హీరో బాలకృష్ణ - వివాదాస్పద దర్శకుడు రాంగోపాల్ వర్మ కాంబినేషన్‌లో ఓ చిత్రం రానుందా? అవుననే అంటున్నారు దర్శకుడు పూరీ జగన్నాథ్. రాంగోపాల్ వర్మ దర్శకత్వంలో నటించే బాలయ్య ఓ కొత్త ట్రెండ్‌ను సెట్ చేస్తారని పూరీ ధీమా వ్యక్తం చేస్తున్నాడు.
 
బాలయ్య పుట్టిన రోజు సందర్భంగా అభిమానులతో చేసిన ఫేస్‌బుక్ లైవ్ చాట్‌‌లో పూరీ ఈ విషయాన్ని చెప్పారు. 'ప్రస్తుతం మీతో పనిచేస్తున్న బాలయ్య.. మీ గురువు రాంగోపాల్ వర్మ దర్శకత్వంలో సినిమా చేస్తారా..?' అని పూరీ జగన్నాథ్‌ను ఓ అభిమాని ప్రశ్నించగా.. దానికేం భాగ్యం చేస్తారు అని సమాధానమిచ్చారు.
 
'ఎందుకు చేయరు..? ఆర్జీవీ డైరెక్షన్‌లో బాలయ్య సినిమా ఖచ్చితంగా ఉంటుంది' అని బదులిచ్చారు పూరీ. అయితే.. అభిమాని అడిగినందుకు పూరీ అలా చెప్పారా..? లేదంటే ఆర్జీవీతో బాలయ్య సినిమా కోసం ఏవైనా ప్రయత్నాలను పూరీ చేస్తున్నారా..? అనే చర్చ ఫిల్మ్‌నగర్ సర్కిల్స్‌లో నడుస్తోంది. అయితే.. కొత్త కాంబినేషన్లను సెట్ చేస్తున్న బాలయ్య.. ఖచ్చితంగా వర్మతో సినిమా చేసేస్తాడేమోనన్న అభిప్రాయమూ ఫిల్మ్‌నగర్ వర్గాల నుంచి వస్తోంది.