శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By pnr
Last Updated : శనివారం, 28 జులై 2018 (15:27 IST)

తూచ్... నేనిప్పుడే పెళ్ళి చేసుకోను.. తేల్చి చెప్పిన మిల్కీ బ్యూటీ

వెండితెర తెల్లపిల్ల తమన్నా. మిల్కీ బ్యూటీగా గుర్తింపు పొందిన ఈ హీరోయిన్.. త్వరలోనే పెళ్లి పీటలెక్కబోతుందనే వార్తలు హల్‌చల్ చేస్తున్నాయి. దీంతో తమన్నా పెళ్లి వార్త సోషల్ మీడియాలో వైరల్‌గా మారింది.

వెండితెర తెల్లపిల్ల తమన్నా. మిల్కీ బ్యూటీగా గుర్తింపు పొందిన ఈ హీరోయిన్.. త్వరలోనే పెళ్లి పీటలెక్కబోతుందనే వార్తలు హల్‌చల్ చేస్తున్నాయి. దీంతో తమన్నా పెళ్లి వార్త సోషల్ మీడియాలో వైరల్‌గా మారింది. ఈ నేపథ్యంలో తన పెళ్లి వార్తలపై మిల్కీ బ్యూటీ తాజా స్పందించింది. తూచ్.. అవన్నీ ఒట్టి పుకార్లు మాత్రమేనని తన ట్విట్టర్ ఖాతా ద్వారా తేల్చి చెప్పింది. ఆమె చేసిన ట్వీట్‌ను పరిశీలిస్తే...
 
'ఒక రోజు యాక్టర్, మరొక రోజు క్రికెటర్, ఇంకొక రోజు డాక్టర్. ఒక్కొక్కసారి ఒక్కొక్కరిని పెళ్లి చేసుకోబోతున్నానంటూ రూమర్లను ప్రచారం చేస్తున్నారు. భర్తను వెతుక్కునే పనిలో నేను చాలా బిజీగా ఉన్నాననే భావనను కలిగింపజేస్తున్నారు. నా జీవితానికి సంబంధించి ఎలాంటి అసత్య ప్రచారాలను నేను అంగీకరించను. ప్రస్తుతానికి సింగిల్‌గా నేను చాలా సంతోషంగా ఉన్నా. నా తల్లిదండ్రులు కూడా అల్లుడిని వెతికే పనిలో లేరు. ప్రస్తుతం సినిమాలతోనే నేను ప్రేమలో ఉన్నా. 
 
ఒకవైపు నేను సినిమాలతో బిజీగా ఉంటే... ఇలాంటి పుకార్లు ఎక్కడి నుంచి పుట్టుకొస్తున్నాయో అర్థం కావడం లేదు. ఇలాంటి తప్పుడు వార్తలు ఒక వ్యక్తి గౌరవానికి భంగం కలిగిస్తాయి. ఒకవేళ నేను పెళ్లి చేసుకోవాలనుకుంటే... ఆ విషయాన్ని అందరితో పంచుకుంటా. ఇందులో దాచి పెట్టాల్సింది ఏమీ లేదు. ఇప్పట్లో నేను పెళ్లి చేసుకోవడం లేదనే విషయాన్ని స్పష్టంగా చెబుతున్నా. ఇలాంటి అసత్య ప్రచారాలకు ఫుల్ స్టాప్ పెట్టండి... ప్లీజ్' అంటూ తమన్నా తన ట్వీట్‌లో పేర్కొంది.