"అద్దంలో దెయ్యం": మొదటి కాపీ సిద్ధం.. హారర్ ఎంటర్‌టైనర్‌గా హిట్టే!
నాగసత్య పిక్చర్స్ పతాకంపై రమేష్ నూతలపాటి దర్శకత్వంలో సత్యనారాయణ బచ్చు నిర్మిస్తున్న హారర్ ఎంటర్‌టైనర్ "అద్దంలో దెయ్యం". ముత్తంశెట్టి ఫణిభూషణ రావు-డాక్టర్ ఎ .యెస్. రాయుడు సహ నిర్మాతలు. ధనరాజ్, బ్రహ్మాజీ, సత్యం రాజేష్, హేమత్, ఆర్తిపురి, గీతాంజలి, ఆర్.కె. బాబాయ్, లావణ్య, శేషుకుమార్, రచ్చరవి, నర్శింగ్ యాదవ్ ముఖ్య తారాగణంగా రూపొందుతున్న ఈ చిత్రం అన్ని కార్యక్రమాలు పూర్తి చేసుకుని, మొదటి కాపీ సిద్దం చేసుకుంది.
కిషన్ కవాడియ సంగీత సారథ్యం వహించిన ఈ చిత్రం ఆడియో మ్యాంగో మ్యూజిక్ ద్వారా ఇటీవల విడుదలైంది . ఈ సందర్భంగా చిత్ర దర్శకుడు రమేష్ నూతలపాటి మాట్లాడుతూ.. 'కామెడీకి పెద్ద పీటవేస్తూ రూపొందించిన హారర్ ఎంటర్‌టైనర్ "అద్దంలో దెయ్యం". విజువల్ ఎఫెక్ట్స్ ఈ చిత్రానికి ప్రధాన ఆకర్షణగా నిలుస్తాయి ' అన్నారు.
నిర్మాత సత్యనారాయణ బచ్చు మాట్లాడుతూ .. 'మా దర్శకుడు రమేష్ నూతలపాటి 'అద్దంలో దెయ్యం' చిత్రాన్ని ఆద్యంతం అత్యంత ఆసక్తిగా తీర్చిదిద్దారు. కిషన్ కవాడియ అందించిన బాణీలతో పాటు, రీ-రికార్డింగ్ ఈ చిత్రానికి ఆయువు పట్టుగా నిలుస్తుంది' అన్నారు .
సహ నిర్మాతలు మత్తంశెట్టి ఫణిభూషణ రావు - డాక్టర్ ఎ.ఎస్. రాయుడు "అద్దంలో దెయ్యం" చిత్రం తప్పకుండా విజయం సాధిస్తుందనే ఆశాభావం వ్యక్తం చేసారు. ఈ చిత్రానికి డాన్సులు : రాజేష్, ఫైట్స్ : మార్షల్ రమణ -శేఖర్, పాటలు: సత్యముని, సంగీతం : కిషన్ కవాడియా, సహ నిర్మాతలు: మత్తంశెట్టి ఫణిభూషణ రావు - డాక్టర్ ఎ.ఎస్. రాయుడు, నిర్మాత: సత్యనారాయణ బచ్చు, కథ -స్క్రీన్ ప్లే -దర్సకత్వం: రమేష్ నూతలపాటి.
