'అమ్మ పురట్చితలైవి' బయోపిక్ : జయలలితగా ఐశ్వర్యారాయ్.. ఎంజీఆర్‌గా కమల్ హాసన్
దివంగత మాజీ ముఖ్యమంత్రి జయలలిత జీవిత చరిత్ర ఆధారంగా "అమ్మ పురట్చితలైవి" అనే చిత్రం తెరకెక్కనుంది. ఈ చిత్రంలో జయలలిత పాత్ర కోసం మాజీ విశ్వసుందరి ఐశ్వర్యా రాయ్‌ను సంప్రదిస్తున్నారు.
దివంగత మాజీ ముఖ్యమంత్రి జయలలిత జీవిత చరిత్ర ఆధారంగా "అమ్మ పురట్చితలైవి" అనే చిత్రం తెరకెక్కనుంది. ఈ చిత్రంలో జయలలిత పాత్ర కోసం మాజీ విశ్వసుందరి ఐశ్వర్యా రాయ్‌ను సంప్రదిస్తున్నారు. అలాగే, ఈ చిత్రానికి ప్రముఖ దర్శకుడు భారతీరాజా దర్శకత్వం వహించనుండగా, ఎంజీఆర్ పాత్రలో విశ్వనటుడు కమల్ హాసన్ లేదా మలయాళ సూపర్ స్టార్ మోహన్ లాల్‌ నటించే అవకాశం ఉన్నట్టు తెలుస్తోంది.
ఈ చిత్రాన్ని ఆదిత్యా భరద్వాజ్ నిర్మించనున్నారు. దీనిపై ఆ చిత్ర నిర్మాత ఆదిత్యా స్పందిస్తూ, కోటానుకోట్ల మంది ప్రజల గుండెల్లో చెరగని ముద్రవేసుకుని తిరిగిరాని లోకాలకు చేరుకున్న జయలలిత బయోపిక్‌ను నిర్మించే అవకాశం దక్కడం అదృష్టంగా భావిస్తున్నట్టు చెప్పారు. ప్రస్తుతం ఈ చిత్రానికి సంబంధించిన స్క్రిప్టు, స్క్రీన్ ప్లే సిద్ధం చేస్తున్నట్టు చెప్పారు. డిసెంబరులో చిత్ర షూటింగ్ ప్రారంభంకావొచ్చని ఆయన తెలిపారు.
అయితే, ఈ చిత్రంలో జయలలిత పాత్ర కోసం ఐశ్వర్యా రాయ్‌ను సంప్రదిస్తున్నట్టు తెలిపారు. అలాగే, ఎంజీఆర్‌గా కమల్ హాసన్ లేదా మోహన్‌లాల్ నటించే అవకాశం ఉందని తెలిపారు. జయలలిత జీవించివుండగా ఆమె ప్రియనెచ్చెలి శశికళ కీలక భూమిక పోషించారనీ, అందువల్ల ఈ బయోపిక్‌లో కూడా శశికళ పాత్ర ఉంటుందని తెలిపారు. ఈ చిత్రాన్ని తమిళ, తెలుగు, కన్నడ, హిందీ, మలయాళం భాషల్లో నటించేలా ప్లాన్ చేస్తున్నట్టు తెలిపారు.
