అపూర్వం... అనితర సాధ్యం.. బాహుబలి-2 సినిమా..1050 సెంటర్లలో 50 రోజులు
భారతీయ చలనచిత్ర చరిత్రలో ఇదొక చిరస్మరణీయ ఘట్టం. గత 85 సంవత్సరాల దేశీయ చలనచిత్ర పరిశ్రమ చరిత్రలో కనీ వినీ ఎరుగని ఘటనను నేటితో బాహుబలి-2 నమోదు చేసింది. ఏప్రిల్ 28న ప్రపంచ వ్యాప్తంగా 9,500 థియేటర్లలో వి
భారతీయ చలనచిత్ర చరిత్రలో ఇదొక చిరస్మరణీయ ఘట్టం. గత 85 సంవత్సరాల దేశీయ చలనచిత్ర పరిశ్రమ చరిత్రలో కనీ వినీ ఎరుగని ఘటనను నేటితో బాహుబలి-2 నమోదు చేసింది. ఏప్రిల్ 28న ప్రపంచ వ్యాప్తంగా 9,500 థియేటర్లలో విడుదలై అన్ని రికార్డులను బద్దలు గొట్టిన బాహుబలి 2 విడుదలై ఈ శుక్రవారంతో 50 రోజులైంది. ఇప్పటికే రికార్డులు మీద రికార్డులు సాధించిన ఈ చిత్రరాజం మరో ఘనత సొంతం చేసుకుంది. దేశవ్యాప్తంగా 1050 సెంటర్లలో ఇంకా ‘బాహుబలి 2’ సినిమా ప్రదర్శితమవుతోంది. ఏ భారతీయ సినిమా రంగమైనా ఊహించడానికి వీలులేని రికార్డు ఇది. ఈ సందర్భంగా చిత్రయూనిట్‌ ప్రేక్షకులకు ధన్యవాదాలు తెలిపింది.
భారతీయ సినిమా చరిత్రలో అత్యధిక వసూళ్లు సాధించిన చిత్రం నిలిచిన ‘బాహుబలి 2’ మున్ముందు మరిన్ని రికార్డులు సృష్టించనుంది. 50 రోజులు గడిచినా ఈ సినిమాకు ఆదరణ తగ్గకపోవడం విశేషం. త్వరలో చైనాతో పాటు మరికొన్ని దేశాల్లో ఈ చిత్రాన్ని విడుదల చేయనున్నారు. దీంతో ఆల్‌టైమ్‌ రికార్డు కలెక్షన్లు సాధించిన సినిమాగా నిలిచే అవకాశముందని మార్కెట్‌ విశ్లేషకులు అంచనా వేస్తున్నారు. రూ. 2 వేల కోట్లు సాధించే తొలి భారతీయ సినిమా అవుతుందని భావిస్తున్నారు.
తెలుగు రాష్ట్రాలతో పాటు ఉత్తరాదిలోనూ హైయ్యస్ట్ గ్రాస్ కలెక్షన్లు సాధించిన సినిమాగా రికార్డ్ సృష్టించిన బాహుబలి 2 ఇప్పటి వరకు రూ. 1650 కోట్లకు పైగా వసూలు చేసింది. తెలుగు రాష్ట్రాల్లో 200 కోట్ల రూపాయల కలెక్షన్ చేరువలో ఉన్న బాహుబలి 2 సినిమా ఒక్క హిందీ ప్రాంతంలోనే 510 కోట్లు ఆర్జించి అత్యద్భుత రికార్డు సృష్టించింది.
కాగా, ఈ నెల 22న ప్రారంభం కానున్న మాస్కో ఇంటర్నేషనల్ ఫిలిం ఫెస్టివల్‌లో బాహుబలి 2ను ప్రారంభ చిత్రంగా ప్రదర్శించనుండటం విశేషం.
