శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By pnr
Last Updated : మంగళవారం, 10 అక్టోబరు 2017 (09:40 IST)

జనం - జగం మెచ్చిన దర్శకుడికి బర్త్‌డే విషెస్...

దర్శకధీరుడు ఎస్ఎస్ రాజమౌళి పుట్టినరోజు వేడుకలు మంగళవారం జరుపుకుంటున్నారు. దర్శకేంద్రుడు కె.రాఘవేంద్రరావు శిష్యుడిగా 'స్టూడెంట్ నెం.1' చిత్రంతో వెండితెర దర్శకుడిగా ఎంట్రీ ఇచ్చారు.

దర్శకధీరుడు ఎస్ఎస్ రాజమౌళి పుట్టినరోజు వేడుకలు మంగళవారం జరుపుకుంటున్నారు. దర్శకేంద్రుడు కె.రాఘవేంద్రరావు శిష్యుడిగా 'స్టూడెంట్ నెం.1' చిత్రంతో వెండితెర దర్శకుడిగా ఎంట్రీ ఇచ్చారు. ఆ తర్వాత ఇప్పటివరకు ఒక్క పరాజయం కూడా లేకుండా దూసుకెళుతున్నాడు. మాస్ సినిమాలే కాదు, క్లాస్ సినిమాలతోనూ మెప్పిస్తున్నాడు. 
 
మంచి కథలు తీసుకొని వాటిని సెల్యూలాయిడ్‌పై మనోజ్ఞ దృశ్యకావ్యంగా మలచడంలో జక్కన్న సిద్ధహస్తుడు. 'ఈగ' లాంటి ప్రయోగాతక్మ సినిమాలూ చేసి ప్రేక్షకుల్ని ఒప్పించాడు. రాజమౌళి సినిమాల్లో హీరో ఏదోక ఆయుధాన్ని వాడటం మనం చూశాం. అది జక్కన్న మార్క్ అని చెప్పాలి. అయితే రాజమౌళి సినిమాలకే పరిమితం కాలేదు. టీవీ సీరియల్స్‌లోనూ కూడా తన టాలెంట్ చూపించాడు. 
 
రాజమౌళి చెక్కిన శిల్పం 'బాహుబలి 2' రిలీజై ఇప్పటికే కొన్ని నెలలైంది. రాజమౌళి తర్వాత సినిమా ఏమిటి? అని అందరూ ఆశతో ఎదురు చూస్తున్నారు. కానీ రాజమౌళి మాత్రం తొందరపడటం లేదు. ప్రస్తుతం బాహుబలి 2 సక్సెస్‌ను ఎంజాయ్ చేస్తున్నాడు. తను తీయబోయే సినిమాల విషయంలో ఆచితూచి అడుగులు వేస్తున్నాడు. జనం మెచ్చిన, జగం మెచ్చిన రాజమౌళికి సోషల్ మీడియాలో అభిమానులే కాదు సెలబ్రిటీలు బర్త్ డే శుభాకాంక్షల వెల్లువ కురిపిస్తున్నారు.