గురువారం, 28 మార్చి 2024
  1. వినోదం
  2. తెలుగు సినిమా
  3. కథనాలు
Written By
Last Updated : శనివారం, 5 జనవరి 2019 (15:08 IST)

''అర్జున్ రెడ్డి''ని చూసి పడిపోయానంతే.. కైరా అద్వానీ

''భరత్ అనే నేను'' సినిమాతో టాలీవుడ్‌కు ఎంట్రీ ఇచ్చిన కైరా అద్వానీ ప్రస్తుతం రామ్ చరణ్ సరసన వినయ విధేయ రామ సినిమాలో నటిస్తోంది. తెలుగులో కైరాకు బాగా డిమాండ్ పెరిగిపోయింది. ఇప్పటికే స్టైలిష్ స్టార్ అల్లు అర్జున్ సినిమాలో నటించే అవకాశాన్ని కూడా సొంతం చేసుకుంది. మరో పంజాబీ సినిమాలో కైరా నటిస్తోంది. 
 
ఉత్తరాది నుంచి దక్షిణాదికి దిగుమతి అయిన కైరా ప్రస్తుతం అర్జున్ రెడ్డి అదేనండి విజయ్ దేవరకొండపై కామెంట్స్ చేసి.. ట్రెండింగ్‌లో నిలిచింది. మొన్నటికి మొన్న అతిలోక శ్రీదేవి కుమార్తె జాన్వీ కపూర్ కూడా విజయ్ దేవరకొండపై కామెంట్స్ చేసి.. ట్రెండింగ్‌లో అగ్రస్థానం కొట్టేసింది. తాజాగా కైరా కూడా అదే పనిచేసింది. 
 
అసలు విషయం ఏమిటంటే.. కైరా అద్వానీ తెలుగు మూవీ అర్జున్ రెడ్డి హిందీ రీమేక్‌లో హీరోయిన్‌గా నటిస్తోంది. ఈ సినిమాకు సందీప్ వంగానే దర్శకత్వం వహిస్తున్నాడు. షాహిద్ కపూర్ ఇందులో హీరోగా నటిస్తున్నాడు. 
 
అయితే కైరా తెలుగు సినిమా అర్జున్ రెడ్డిని చూసిందట. ఆ సినిమాలో విజయ్ దేవరకొండ నటనను చూసి ఫిదా అయ్యానని.. అంతేకాకుండా ఆ సినిమాను చూశాక విజయ్ దేవరకొండకు అభిమానిగా మారిపోయానని చెప్తోంది.