'ఆస్కార్' కంటే తనకు అదే ఎక్కువ అంటున్న దర్శకుడు రాజమౌళి
ఆస్కార్ అవార్డు అంటే హాలీవుడ్ సినీ ఇండస్ట్రీలో పిచ్చ క్రేజ్. ఆ అవార్డు వస్తే దాన్ని అందుకుని ముద్దులు కురిపిస్తూ స్టేజీపై గుక్కపెట్టి ఏడ్చేస్తుంటారు ఆనందం తట్టుకోలేక. ఇక మన బాలీవుడ్ విషయానికి వస్తే... ఇక్కడ ఫిల్మ్ ఫేర్ అవార్డులు వుండనే వున్నాయి. ఆస్క
ఆస్కార్ అవార్డు అంటే హాలీవుడ్ సినీ ఇండస్ట్రీలో పిచ్చ క్రేజ్. ఆ అవార్డు వస్తే దాన్ని అందుకుని ముద్దులు కురిపిస్తూ స్టేజీపై గుక్కపెట్టి ఏడ్చేస్తుంటారు ఆనందం తట్టుకోలేక. ఇక మన బాలీవుడ్ విషయానికి వస్తే... ఇక్కడ ఫిల్మ్ ఫేర్ అవార్డులు వుండనే వున్నాయి. ఆస్కార్ అవార్డుపై ఒకింత ఉత్సాహం ఇక్కడా వుంటుంది. దక్షిణాది సినీ ఇండస్ట్రీకి వస్తే ఆస్కార్ అవార్డుపై ఒక్కొక్కరి అభిప్రాయం ఒక్కోలా వుంటుంది.
మొన్నీమధ్య ఆస్కార్ అవార్డు ఎంట్రీకి మన దేశం నుంచి బాలీవుడ్ సినిమా న్యూటన్ ఎంపికైనట్లు ప్రకటించిన సంగతి తెలిసిందే. ఐతే కోట్ల రూపాయల వసూళ్లను రాబట్టిన బాహుబలి ఈ రేసులో నిలవలేకపోయింది. దీనిపై చాలామంది రాజమౌళిని ప్రశ్నిస్తున్నారు. బాహుబలి ఆస్కార్ ఎంట్రీ రేసులో నిలవలేకపోవడం బాధగా లేదా అని అడుగుతున్నారు. ఈ ప్రశ్నలకు రాజమౌళి స్పందించారు.
తనకు అవార్డుల కంటే తన సినిమా ఎంతమంది ప్రజలకు నచ్చుతుందున్నది ముఖ్యమనీ, అలాగే ఆ సినిమా వల్ల ప్రొడ్యూసర్‌కు లాభాలు తెచ్చేట్లు చూడటమే తన లక్ష్యమంటూ చెప్పారు. ముఖ్యంగా తన సినిమా ప్రేక్షకులు బాగా నచ్చిందని చెపుతూ సినిమాను సూపర్ హిట్ చేస్తే అంతకు మించిన అవార్డు తనకు ఏదీ లేదని చెప్పుకొచ్చారు.
