జూలై 17న 'జేమ్స్ బాండ్' రిలీజ్... తేదీ ఖరారు...
టాలీవుడ్ కామెడీ హీరో అల్లరి నరేష్ నటిస్తున్న తాజాగా చిత్రం 'జేమ్స్ బాండ్'. ఈ యంగ్ హీరో వివాహం తర్వాత విడుదలవుతున్న తొలి చిత్రం కావడంతో అభిమానుల అంచనాలు ఒక రేంజ్‌లోనే ఉన్నాయి. అనిల్ సుంకర నిర్మాణంలో సాయికిషోర్ తెరకెక్కిస్తున్న జేమ్స్ బాండ్ చిత్రాన్ని జూలై 17న విడుదల చేయాలని చిత్ర యూనిట్ నిర్ణయించింది.
ఈ చిత్రంలో అల్లరి నరేష్ సరసన సాక్షి చౌదరి హీరోయిన్‌గా నటిస్తోంది. 'జేమ్స్ బాండ్'.. నేను కాదు నా పెళ్లాం అనే ట్యాగ్ లైన్‌తోనే ఈ సినిమాలో కామెడీ ఎంత స్థాయిలో ఉంటుందో అర్ధమవుతుంది. పూర్తి వినోదాత్మకంగా మలచబడిన ఈ సినిమా, సెన్సార్ కార్యక్రమాలను కూడా పూర్తి చేసుకుని యు/ఎ సర్టిఫికేట్‌ను అందుకుంది. ఇక నరేష్ అభిమానులను ఏ స్థాయిలో నవ్విస్తాడో వేచిచూడాలి.
