Widgets Magazine

తారక్ అన్నా.. నీ అంకితభావం చూస్తుంటే ముచ్చటేస్తోంది.. ఎస్ఎస్ థమన్

యంగ్ టైగర్ జూనియర్ ఎన్టీఆర్ - పూజా హెగ్డేలు జంటగా నటిస్తున్న చిత్రం అరవింద సమేత వీరరాఘవ. త్రివిక్రమ్ శ్రీనివాస్ దర్శకత్వంలో తెరకెక్కుతున్న ఈ చిత్రానికి ఎస్ఎస్. థమన్ సంగీత దర్శకుడు. ఫ్యాక్షనిజం బ్యాక్

pnr| Last Updated: మంగళవారం, 4 సెప్టెంబరు 2018 (08:59 IST)
యంగ్ టైగర్ జూనియర్ ఎన్టీఆర్ - పూజా హెగ్డేలు జంటగా నటిస్తున్న చిత్రం అరవింద సమేత వీరరాఘవ. త్రివిక్రమ్ శ్రీనివాస్ దర్శకత్వంలో తెరకెక్కుతున్న ఈ చిత్రానికి ఎస్ఎస్. థమన్ సంగీత దర్శకుడు. ఫ్యాక్షనిజం బ్యాక్ డ్రాప్‌లో తెరకెక్కుతున్న ఈ చిత్రం షూటింగ్ శరవేగంగా జరుపుకుంటోంది.
 
అయితే, ఈ చిత్ర హీరో ఎన్టీఆర్ తండ్రి, సినీ హీరో నందమూరి హరికృష్ణ ఇటీవల రోడ్డు ప్రమాదంలో చనిపోయారు. తండ్రి మృతిని ఎన్టీఆర్ జీర్ణించుకోలేక పోతున్నారు. అదేసమయంలో తన వృత్తిపట్ల ఎంతో అంకితభావం కలిగివుండే జూనియర్ ఎన్టీఆర్.. ఆ అంకింత భావాన్ని మరోమారు చూపారు. 
 
తండ్రిలేడన్న నిజాన్ని గుండెల్లోనే దాచుకుని తన బాధలన్నింటినీ పక్కనబెట్టి... ప్రస్తుతం హీరోగా నటిస్తున్న 'అరవిందసమేత వీరరాఘవ' సెట్స్‌లో దర్శనమిచ్చారు. దీంతో అతని డెడికేషన్ చూసి సినీ ప్రేమికులు మురిసిపోతున్నారు.
 
ముఖ్యంగా ఈ సినిమా సంగీత దర్శకుడు ఎస్ఎస్ థమన్ అయితే తారక్ అంకితభావాన్ని చూసి ఆశ్చర్యపోయారు. ట్విట్టర్ వేదికగా తారక్ చేసిన ఈ పని తనను ఎంతో ఉత్తేజపరిచిందని వ్యాఖ్యానించారు. 'తారక్ అన్నా.. నువ్వంటే ఎంతో గౌరవం పెరిగిపోయింది. మేం అంతా నీతో ఉన్నాం. నీ అంకితభావం చూస్తుంటే ముచ్చటేస్తోంది. #అరవిందసమేతవీరరాఘవ సెట్స్‌లో అన్నా(ఎన్టీఆర్)' అని థమన్ ట్వీట్ చేశారు. 
 
హారికా అండ్ హాసిని క్రియేషన్స్ బ్యానర్‌పై ఈ చిత్రాన్ని ఎస్.రాధాకృష్ణ నిర్మిస్తున్నారు. ఈ చిత్రంలో పూజా హెగ్డే హీరోయిన్‌గా నటిస్తుంది. ఇటీవలే విడుదలైన ఈ చిత్ర టీజర్ ప్రేక్షకులను విపరీతంగా ఆకట్టుకుంది. ఈ చిత్రం అక్టోబర్ 11న విడుదల కానుంది. 


దీనిపై మరింత చదవండి :