గురువారం, 28 మార్చి 2024
  1. వినోదం
  2. తెలుగు సినిమా
  3. కథనాలు
Written By Selvi
Last Updated : సోమవారం, 30 జనవరి 2017 (17:26 IST)

''కాటమరాయుడు'' ఎంత సింపుల్‌గా ఉన్నాడో చూడండి.. భారీ మొత్తానికి బిజినెస్?

పవన్‌కల్యాణ్ - శృతిహాసన్ జంటగా నటించిన ''కాటమరాయుడు'' ఫిబ్రవరిలో తెరపైకి రానుంది. తాజాగా ఈ సినిమా హైదరాబాద్ శివారు ప్రాంతంలోని ఓ అమ్మవారి గుడిలో పవన్- శృతిహాసన్‌ల మధ్య కీలక సన్నివేశాల్ని షూట్ చేసుకుంద

పవన్‌కల్యాణ్ - శృతిహాసన్ జంటగా నటించిన ''కాటమరాయుడు'' ఫిబ్రవరిలో తెరపైకి రానుంది. తాజాగా ఈ సినిమా హైదరాబాద్ శివారు ప్రాంతంలోని ఓ అమ్మవారి గుడిలో పవన్- శృతిహాసన్‌ల మధ్య కీలక సన్నివేశాల్ని షూట్ చేసుకుంది. ప్రస్తుతం కాటమరాయుడు, ఆయన బ్రదర్స్‌పై కొన్ని సీన్స్‌ని డైరెక్టర్ తెరకెక్కించాడు. అందుకు సంబంధించిన పిక్స్ సోషల్ మీడియాలో హల్ చల్ చేస్తున్నాయి. 
 
ఈ ఫోటోల్లో కాటమరాయుడితో పాటు ఆయన సోదరులు కనిపిస్తారు. ఈ ఫోటోల్లో పవన్ చూసినవాళ్లు, ఎంత సింపుల్‌గా వున్నాడని అనుకుంటున్నారు. బయటకేకాదు, సెట్స్‌లోనూ అలాగే వుంటాడన్నది యూనిట్ సభ్యులమాట. అన్నట్లు.. ఆ మధ్య కాటమరాయుడి టీజర్‌ని జనవరి 26న రిలీజ్ చేస్తారని వార్తలొచ్చినప్పటికీ, అనుకోని పరిస్థితుల వల్ల వాయిదా పడింది. దీనికి సంబంధించి త్వరలోనే కొత్త డేట్‌ని ప్రకటించేందుకు సర్వం సిద్ధమవుతోంది. 
 
ఇదిలా ఉంటే.. కాటమరాయుడు సినిమాను ‘గోపాల గోపాల’ ఫేం డాలీ రూపొందిస్తున్నాడు. ఈ సినిమాలో పవన్ కళ్యాణ్ అన్నయ్య పాత్రలో కనిపించనున్నారు. అజిత్ నటించిన తమిళ సినిమా ‘వీరం’కు రీమేక్‌గా తెరకెక్కుతున్న ఈ సినిమాలో శృతిహాసన్ హీరోయిన్. ప్రస్తుతం షూటింగ్ కార్యక్రమాలు జరుపుకుంటున్న ఈ మూవీని ఉగాది కానుకగా ప్రేక్షకుల ముందుకు తీసుకొచ్చేందుకు ప్లాన్ చేస్తున్నారు.
 
''కాటమరాయుడు'' రిలీజ్‌కు ఇంకా రెండు నెలల సమయం ఉంది. అయినప్పటికీ బిజినెస్ మొదలు పెట్టేశారన్న టాక్ ఫిల్మ్ నగర్‌లో వినిపిస్తోంది. అంతేకాక ఈ సినిమా సీడెడ్ రైట్స్ భారీ మొత్తానికి అమ్ముడయ్యాయని సినీ జనాలు చెప్పుకుంటున్నారు.