శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By Selvi
Last Updated : శుక్రవారం, 3 జులై 2015 (16:05 IST)

హేమమాలిని సానుభూతి ఎందుకు? ఇదీ హిట్ అండ్ రన్ కేసే: నెటిజన్స్

బీజేపీ పార్లమెంటు సభ్యురాలు, బాలీవుడ్ అలనాటి తార హేమమాలిని కారు యాక్సిడెంట్‌పై నెటిజన్స్ ఫైర్ అవుతున్నారు. హేమమాలిని కారు ప్రమాదంల గాయాలపాలైన హేమమాలిని పట్ల నేతలు సానుభూతి ప్రకటించడంపై సోషల్ మీడియాపై నిరసనలు వెల్లువెత్తుతున్నాయి. వేగంగా దూసుకెళ్లిన ఆమె కారు అభం శుభం ఎరుగని చిన్నారిని పొట్టనబెట్టుకుందని, మరో బాలుడు రెండు కాళ్లూ కోల్పోగా.. వారిపై జాలి చూపని నేతలు హేమమాలినికి సంతాపం వ్యక్తం చేయడం ఏమిటని నెటిజన్లు విమర్శిస్తున్నారు. 
 
గాయపడ్డ వారిని వదిలేసి తాను మాత్రం ఆసుపత్రికి వెళ్లారని, హేమమాలిని బాధ్యతలను విస్మరించడం ఎంతవరకు సబబు అని నెటిజన్లు ప్రశ్నల వర్షం కురిపించారు. ఇది కూడా హిట్ అండ్ రన్ కేసులో సల్మాన్ ఖాన్ ప్రవర్తనలాగానే ఉందని నెటిజన్స్ దుయ్యబట్టారు. 
 
కారు ప్రమాదంలో గాయపడ్డ బాధితులను ప్రభుత్వాసుపత్రికి, హేమమాలినిని మాత్రం అత్యాధునిక ఫోర్టీస్ ఆసుపత్రికి పంపడం వివక్షేనన్నారు. సామాన్యులకు దిక్కులేకుండా పోయిందని విమర్శలు గుప్పించారు. ఇంకా కారు ప్రమాదంపై నెటిజన్స్ హేమమాలినిపై ప్రశ్నల వర్షం కురిపిస్తున్నారు.