గురువారం, 28 మార్చి 2024
  1. వినోదం
  2. తెలుగు సినిమా
  3. కథనాలు
Written By selvi
Last Updated : గురువారం, 6 సెప్టెంబరు 2018 (11:29 IST)

ఎందుకొచ్చిన గొడవ.. ''మా''తో ఎందుకు? హ్యాండిచ్చిన మహేష్ బాబు

మూవీ ఆర్టిస్ట్ అసోసియేషన్(మా)కు టాలీవుడ్ ప్రిన్స్ మహేష్ బాబు హ్యాండ్ ఇచ్చారు. నిజానికి వచ్చే నెలలో అమెరికాలో మహేష్ బాబుతో ఈవెంట్ చేయించాలని మా భావించింది. ఇందులో భాగంగా ప్రధాన కార్యదర్శి నరేష్ నమ్రతతో

మూవీ ఆర్టిస్ట్ అసోసియేషన్(మా)కు టాలీవుడ్ ప్రిన్స్ మహేష్ బాబు హ్యాండ్ ఇచ్చారు. నిజానికి వచ్చే నెలలో అమెరికాలో మహేష్ బాబుతో ఈవెంట్ చేయించాలని మా భావించింది. ఇందులో భాగంగా ప్రధాన కార్యదర్శి నరేష్ నమ్రతతో మాట్లాడి ఫైనల్ చేస్తే శివాజీరాజా వర్గం డైరెక్ట్‌గా ఆమెతో డీల్ చేశారని ఇటీవలి ప్రెస్‌మీట్‌లో నరేష్ తెలిపారు.
 
మహేష్ ఈ ప్రోగ్రాం చేస్తే 'మా'కి కోటి రూపాయలు నిధులు వచ్చే అవకాశం ఉంది. కానీ మా నిధులను దుర్వినియోగం చేస్తున్నారనే ఆరోపణలను రావడంతో ప్రస్తుతం మహేష్ బాబు 'మా' అసోసియేషన్ కార్యక్రమాన్ని రద్దు చేసుకున్నట్లు తెలుస్తోంది. వివాదాలకు దూరంగా ఉండే మహేష్ బాబు ఇటువంటి పరిస్థితుల్లో షో చేయడం కరెక్ట్ కాదని భావించి క్యాన్సిల్ చేసినట్లు ఫిలిం నగర్ వర్గాల సమాచారం.  
 
కాగా మాలో వున్న నిధులను దుర్వినియోగం చేస్తున్నారనే ఆరోపణలను ఎదుర్కొంటున్నారు అధ్యక్షుడు శివాజీరాజా. మా అసోసియేషన్ రెండు వర్గాలుగా చీలిపోయి ఒకరిపై మరొకరు ఆరోపణలు చేసుకుంటున్నారు. నిధుల కోసం అమెరికాలో చిరంజీవితో నిర్వహించిన కార్యక్రమంలో కొంత డబ్బుని మిస్ యూజ్ చేశారని, ఈ విషయంలో శివాజీరాజాకి 'మా'లో మరికొంతమంది మెంబర్స్ సహాయం చేశారని టాక్ వస్తోంది. 
 
ఈ విషయంలో ఫ్యాక్ట్ ఫైండింగ్ కమిటీ ఏర్పాటు చేసి నిజాలు తెలుసుకోవాలని ప్రధాన కార్యదర్శి నరేష్ అంటున్నారు. ప్రస్తుతం ఈ వివాదం ఇంకా చల్లారలేదు. ఇలాంటి సమయంలో తాను ప్రోగ్రామ్ చేస్తే మరో వివాదం వచ్చి పడుతుందేమోనని భావించిన మహేష్.. తన ప్రోగ్రామ్‌ను రద్దు చేసుకున్నట్లు ఫిలిమ్ నగర్ వర్గాల సమాచారం.