'ఎన్టీఆర్ మహానాయకుడు'లో బుల్లి ఎన్టీఆర్‌గా దేవాన్ష్
స్వర్గీయ ఎన్.టి.రామారావు జీవిత చరిత్ర ఆధారంగా రెండు భాగాలుగా బయోపిక్‌ను తెరకెక్కించారు. ఇందులో తొలి భాగం ఎన్టీఆర్ కథానాయకుడు సంక్రాంతికి విడుదలై, బాక్సాఫీస్ వద్ద నిరాశపరిచింది. ఇపుడు మహానాయకుడు పేరుతో రెండో భాగం త్వరలోనే ప్రేక్షకుల ముందుకురానుంది. వాస్తవానికి ఈచిత్రం ఈనెల 7వ తేదీనే విడుదల కావాల్సి ఉండగా, వాయిదా వేశారు. ఈ రెండో భాగంలో ఎన్టీఆర్ రాజకీయ జీవితాన్ని ముఖ్యంగా చూపించనున్నారు.
అయితే, ఇందులో ఎన్టీఆర్ చిన్నప్పటి పాత్రను ఏపీ సీఎం చంద్రబాబు మనవడు నారా దేవాన్ష్ పోషించినట్టు సమాచారం. అదేవిధంగా హీరో నందమూరి కల్యాణ్ రామ్ తనయుడు శౌర్య రామ్ కూడా నటించినట్టు తెలుస్తోంది. దేవాన్ష్‌కి సంబంధించిన షూటింగ్ కూడా కొద్ది రోజుల క్రితం పూర్తయినట్టు తెలుస్తోంది. ఇప్పటికే షూటింగ్ పూర్తి చేసుకున్న ఈ సినిమా పోస్ట్ ప్రొడక్షన్ వర్క్ పూర్తి చేసుకుని త్వరలోనే ప్రేక్షకుల ముందుకు రానుంది.
