శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By Selvi
Last Updated : గురువారం, 17 మార్చి 2016 (14:10 IST)

పవన్ కల్యాణ్ జోకర్, కార్టూన్ హీరో.. దక్షిణాది ప్రజల ఛాయిస్ అస్సలు బాగోలేదు!

పవన్ కల్యాణ్ జోకర్, కార్టూన్ హీరో : కమాల్ రషీద్ ఖాన్

బాలీవుడ్ నటుడు, నిర్మాత, విమర్శకుడు కమాల్ రషీద్ ఖాన్..  టాలీవుడ్ పవర్ స్టార్ పవన్ కల్యాణ్‌పై నోరు పారేసుకున్నాడు. పవన్ కల్యాణ్ లాంటి జోకర్, కార్టూన్ హీరో సినిమాలు చూసేదానికంటే.. రాజ్ పాల్ యాదవ్ సినిమాలు చూసేందుకే ఇష్టపడతానని రషీద్ ఖాన్ తెలిపాడు. ట్విట్టర్ వేదికగా పవన్‌పై రషీద్ ఖాన్ వివాదాస్పద వ్యాఖ్యలు చేశాడు. 
 
పవన్ కల్యాణ్ వంటి వాడే హీరో అయితే ప్రపంచంలో ఎవరైనా సూపర్ స్టార్ కావొచ్చునని.. ఇంతకీ దక్షిణాది ప్రేక్షకులకు ఏమైంది.. ఇలాంటి కార్టూన్‌ని వాళ్లు ఎలా హీరోగా అంగీకరిస్తున్నారని అడిగారు. దక్షిణాది ప్రజల ఛాయిస్ అస్సలు బాగోలేదన్నాడు. అయితే పవన్ మీద వ్యాఖ్యలు చేసిన రషీద్ ఖాన్‌కి పవన్ పూర్తిపేరు కూడా సరిగా తెలియనట్లుంది. 'పవన్ కళ్యాణ్ సింగ్' అని పవన్ పేరును ప్రస్తావించాడు.
 
ఇప్పటికే స్టార్ డైరెక్టర్ రామ్ గోపాల్ వర్మ తనకు పవన్ అంటే ఇష్టమని.. అయితే పవన్ ఫ్యాన్స్ అంటే ఇష్టపడనని చెప్పాడు. తాజాగా అదే లిస్ట్లో కమాల్ రషీద్ ఖాన్ కూడా చేరిపోయాడు. కమాల్ ట్వీట్లపై పవర్ స్టార్ అభిమానులు ఫైర్ అవుతున్నారు. 
 
ప్రస్తుతం పవన్ కళ్యాణ్ హీరోగా నటిస్తున్న సర్దార్ గబ్బర్సింగ్ సినిమా తెలుగుతో పాటు హిందీలోనూ ఒకేసారి విడుదలకు రెడీ అవుతోంది. ఈ నేపథ్యంలో రషీద్ ఖాన్ తన వ్యక్తిగత ప్రచారం కోసం ఇలాంటి వ్యాఖ్యలు చేస్తున్నాడని ఫ్యాన్స్ కోపంతో ఊగిపోతున్నారు. ఇప్పటికే కమాల్ సోనాక్షి సిన్హా, అలియా భట్, సిద్ధార్థ్ మల్హోత్రా, బాహుబలిపై కూడా సెన్సేషనల్ కామెంట్స్ చేశాడు.