శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By సెల్వి
Last Updated : బుధవారం, 2 డిశెంబరు 2020 (13:19 IST)

వకీల్ సాబ్‌లో ఫ్లాష్ బ్యాక్ ఎపిసోడ్... స్లిమ్‌గా కనిపించాలని లిక్విడ్ డైట్..?

పవర్ స్టార్ పవన్ కల్యాణ్ రాజకీయాల్లోకి వచ్చిన తర్వాత ఫిజిక్ మీద కాస్త ఫోకస్ తగ్గించినట్లు కనిపించింది. సినిమాలను పక్కన పెట్టి పాలిటిక్స్ పైనే ఫోకస్ పెట్టిన పవన్.. లుక్ విషయంలో కూడా పెద్దగా కేర్ తీసుకున్నట్లు అనిపించలేదు. అయితే సినిమాల్లోకి రీ ఎంట్రీ ఇవ్వాలని డిసైడైన తర్వాత 'వకీల్ సాబ్' చిత్రం కోసం లుక్ లో కాస్త వేరియేషన్ చూపించాడు. 
 
ఈ క్రమంలో సన్నగా మారడం కోసం ఇప్పుడు పవన్ కేవలం ద్రవ పదార్ధాలను మాత్రమే తీసుకుంటూ డైట్ మెయింటైన్ చేస్తున్నాడట. వేణు శ్రీరామ్ దర్శకత్వం వహిస్తున్న 'వకీల్ సాబ్' చిత్రాన్ని బాలీవుడ్ ప్రముఖ నిర్మాత బోనీ కపూర్ సమర్పణలో శ్రీ వెంకటేశ్వర క్రియేషన్స్ బ్యానర్‌పై టాలీవుడ్ ప్రముఖ నిర్మాత దిల్ రాజు - శిరీష్ ఈ చిత్రాన్ని నిర్మిస్తున్నారు. ప్రస్తుతం ఈ సినిమా షూటింగ్ చివరి దశకు చేరుకుంది. ఇది బాలీవుడ్ 'పింక్' చిత్రానికి రీమేక్ అయినప్పటికీ తెలుగులో పవర్ స్టార్ ఇమేజ్ ని దృష్టిలో పెట్టుకొని పలు మార్పులు చేశారట.
 
కాగా వకీల్ సాబ్ చిత్రంలో ముఖ్యంగా పవన్ కల్యాణ్ కోసం ఓ ఫ్లాష్ బ్యాక్ ఎపిసోడ్‌ని కూడా క్రియేట్ చేసారట. అందులో పవన్ సన్నగా కనిపించాల్సి ఉండగా.. దాని కోసం లిక్విడ్ డైట్ ఫాలో అవుతున్నాడట. పవన్ గతంలో 'జానీ' సినిమా కోసం కష్టపడి సన్నగా మారాడు. అలానే చాతుర్మాస్య దీక్ష సమయంలో కూడా స్ట్రిక్ట్ డైట్ ఫాలో అయ్యాడు. ఇప్పుడు మాత్రం లిక్విడ్ డైట్ ని పాటిస్తూ సన్నాబడాలని చేస్తున్నాడట.