మ్యాన్ ఫోర్స్ కండోమ్ యాడ్: సన్నీకి శిల్పాశెట్టి బాసట
మ్యాన్ ఫోర్స్ కండోమ్ యాడ్‌లో సన్నీ లియోన్ నటన యువతను రెచ్చగొట్టేలా ఉందని విమర్శలొస్తున్న నేపథ్యంలో.. సన్నీకి శిల్పాశెట్టి బాసటగా నిలిచింది. సన్నీ యాడ్ అత్యాచారాలను ప్రేరేపించేదిగా ఉందని సీపీఐ ఎంపీ అతుల్ కుమార్ అంజాన్ విమర్శలు చేసిన సంగతి తెలిసిందే. ఆయన వ్యాఖ్యలపై సన్నీలియోన్ మాట్లాడుతూ, తనపై విమర్శలు చేస్తూ శక్తి వృథా చేసుకోకుండా, అవసరంలో ఉన్నవారికి సహాయం చేయాలని కౌంటరిచ్చింది.
ఈ క్రమంలో సన్నీ లియోన్‌కి శిల్పా శెట్టి మద్దతుగా నిలిచింది. ఒక చేతికి ఉండే ఐదు వేళ్లూ ఒకేలా ఉండవు, సానుకూల అంశాలపై మాత్రమే దృష్టి పెట్టాలని శిల్పాశెట్టి సూచించింది. సన్నీలియోన్ యాడ్ పై విమర్శలు చేయడం హాస్యాస్పదం అని శిల్పా పేర్కొంది. ఆ యాడ్ చూసిన వారు అలా ఆలోచిస్తారని తాను భావించడం లేదని, దీని గురించి ఎక్కువ స్పందించడం మంచిది కాదని స్పష్టం చేసింది.
