ఓ చెత్త సినిమా నిర్మించడానికి నేనూ, జూ.ఎన్టీఆర్ ఫూల్స్ కాదు: నిర్మాత అశ్వినీదత్ కుమార్తె స్వప్నాదత్
శక్తి సినిమా గురించి ప్రత్యేకంగా చెప్పనక్కర్లేదు. ఈ చిత్ర హీరో జూనియర్ ఎన్టీఆర్. ప్రముఖ నిర్మాత అశ్వినీదత్. దర్శకుడు మెహర్ రమేష్. జూనియర్ ఎన్టీఆర్ కెరీర్‌లోనే అత్యంత డిజాస్టర్ మూవీ. ఈ చిత్రం తర్వాత అశ
శక్తి సినిమా గురించి ప్రత్యేకంగా చెప్పనక్కర్లేదు. ఈ చిత్ర హీరో జూనియర్ ఎన్టీఆర్. ప్రముఖ నిర్మాత అశ్వినీదత్. దర్శకుడు మెహర్ రమేష్. జూనియర్ ఎన్టీఆర్ కెరీర్‌లోనే అత్యంత డిజాస్టర్ మూవీ. ఈ చిత్రం తర్వాత అశ్వనీదత్ మరో కొత్త చిత్రం నిర్మించే సాహసం చేయలేక పోయారు.
అయితే శక్తి చిత్రంపై ఆ చిత్ర నిర్మాణ వ్యహరాలు పర్యవేక్షించిన అశ్వనీదత్ కుమార్తె స్వప్నాదత్ మాట్లాడుతూ.. ‘ఆ సినిమా చేసి చాలా పెద్ద పొరపాటు చేశామని అందరూ అంటుంటారు. అయితే దర్శకుడు చెప్పిన కథ విన్నప్పుడు మాకు చాలా నచ్చింది. ఎన్టీఆర్ కూడా కథ నచ్చే ఆ సినిమా చేశాడు. అందుకే అంత భారీ బడ్జెట్‌తో ఆ సినిమా చేయాలనుకున్నాము. కానీ, మేము విన్న కథ తెర మీదకు సవ్యంగా రాలేదు. అలాగే ఓ చెత్త సినిమా చేయడానికి మేముగానీ, ఎన్టీయార్‌‌గానీ ఫూల్స్ కాము కదా’ అంటూ స్వప్న సంచలన వ్యాఖ్యలు చేసింది. ఈ వ్యాఖ్యలు టాలీవుడ్‌లో పెద్ద చర్చనీయాంశంగా మారాయి.
