గురువారం, 28 మార్చి 2024
  1. వినోదం
  2. తెలుగు సినిమా
  3. కథనాలు
Written By శ్రీ
Last Modified: శనివారం, 3 నవంబరు 2018 (15:04 IST)

ఎన్టీఆర్, రామ్ చ‌ర‌ణ్‌, రాజ‌మౌళిల మూవీ అఫిషియ‌ల్ ఎనౌన్స్‌మెంట్..!

యంగ్ టైగ‌ర్ ఎన్టీఆర్, మెగా ప‌వ‌ర్‌స్టార్ రామ్‌చరణ్ అభిమానులు ఎప్పుడెప్పుడా అని ఎదురుచూస్తున్న ద‌ర్శ‌క‌ధీరుడు రాజ‌మౌళి తెర‌కెక్కించ‌బోయే మాసివ్ మల్టిస్టారర్ సినిమా ప్రారంభోత్స‌వ‌ తేదీని ఖరారు చేశారు. ఈ విషయాన్ని నిర్మాతలు.. దర్శక ధీరుడు రాజమౌళి ట్విట్టర్‌లో షేర్ చేశారు. ఈ సినిమా ఇప్పట్లో ప్రారంభం కాదంటూ వస్తున్న వదంతులకు పుల్‌స్టాప్ పెడుతూ RRR లాంచ్ వీడియోను యూ ట్యూబ్‌లో పెట్టారు. 
 
డీవీవీ ఎంటర్‌టైన్‌మెంట్ బ్యానర్‌లో డీవీవీ దానయ్య నిర్మించనున్న ఈ చిత్రానికి ప్రత్యేక తేదీని ఎంపిక చేసుకోవడం విశేషం. ఇంత‌కీ ఆ డేట్ ఎప్పుడంటే... మూడు Rలు తరహాలోనే మూడు 11లు వచ్చేలా.. 11-11-11న ఈ సినిమా ప్రారంభం కానుందని ప్రకటించారు. అయితే, ఇందులో మొదటి 11 రోజును, రెండో 11 నెలను సూచిస్తుంది. మూడో 11.. సమయాన్ని సూచిస్తుంది. మ‌రి..ఈ భారీ ప్రారంభోత్స‌వ వేడుక ఎక్క‌డ నిర్వ‌హిస్తారో..  అతిధులుగా ఎవ‌రెవ‌రు రానున్నారో చూడాలి..!