శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By TJ
Last Modified: సోమవారం, 11 డిశెంబరు 2017 (21:45 IST)

రజినీ పుట్టిన రోజు - ఆ విషయంపై క్లారిటీ వస్తుందా..?

దక్షిణాది సూపర్ స్టార్ రజినీకాంత్ పుట్టినరోజు రేపు జరుగనుంది. తమిళనాడు రాష్ట్రంలోని అన్ని జిల్లాల్లో రజినీ పుట్టినరోజు వేడుకలను జరుపుకునేందుకు అభిమానులు ఏర్పాట్లు చేసుకున్నారు. రక్తదానాలు, అన్నదానాలు, సామాజిక కార్యక్రమాలు నిర్వహించేందుకు ఏర్పాట్లు చే

దక్షిణాది సూపర్ స్టార్ రజినీకాంత్ పుట్టినరోజు రేపు జరుగనుంది. తమిళనాడు రాష్ట్రంలోని అన్ని జిల్లాల్లో రజినీ పుట్టినరోజు వేడుకలను జరుపుకునేందుకు అభిమానులు ఏర్పాట్లు చేసుకున్నారు. రక్తదానాలు, అన్నదానాలు, సామాజిక కార్యక్రమాలు నిర్వహించేందుకు ఏర్పాట్లు చేసేసుకున్నారు. అయితే అభిమానులు మాత్రం రజినీ నోట నుంచి ఒకమాట వినేందుకు ఉత్సాహంతో ఎదురుచూస్తున్నారు. రేపు జరిగే పుట్టిన రోజు వేడుకల్లో రజినీ తన రాజకీయ రంగ ప్రవేశంపై ప్రకటన చేస్తారన్న ఆశతో ఉన్నారు అభిమానులు. 
 
ఇప్పుడు..అప్పుడు అంటూ అభిమానులను సందిగ్థంలో నెట్టి రాజకీయాల్లోకి రాకుండా ఆలోచనలో పడ్డారు రజినీకాంత్. రజినీ పుట్టినరోజుకు ఖచ్చితంగా రాజకీయప్రకటన వస్తుందని అందరూ భావిస్తున్నారు. గతంలో కూడా ఎన్నోసార్లు ఇలాగే అనుకున్నారు. కానీ అది సాధ్యం కాలేదు. ఎంతోమంది సలహాలు ఇచ్చినా, స్వయంగా రజినీనే అభిమానులను కలిసినా ఆయన మాత్రం రాజకీయ రంగప్రవేశంపై ప్రకటన చేయలేదు.
 
కానీ రేపు జరిగే పుట్టినరోజు వేడుకల్లో తాను ఎప్పుడూ రాజకీయాల్లోకి వస్తున్నానన్న విషయాన్ని రజినీ ప్రకటించే అవకాశం ఉందన్న నమ్మకంతో ఉన్నారు అభిమానులు. ఇప్పటికే రజినీ తమ్ముడు సత్యనారాయణ కూడా రజినీ రాజకీయాల్లోకి వస్తారని అది పుట్టినరోజా లేకుంటే కొత్త సంవత్సరమా అన్నది మాత్రం తేలాల్సి ఉందని మీడియాతో మాట్లాడారు. ఇప్పుడు ఆ మాటలనే పట్టుకున్నారు అభిమానులు. ఎలాగైనా తలైవా తన నిర్ణయాన్ని మార్చుకుని రాజకీయాల్లోకి రావాలని కోరుతున్నారు. రజినీ రేపు ఎలాంటి ప్రకటన చేస్తారన్నదే ఆసక్తికరంగా మారింది.