సన్నీ లియోన్ తాట తీస్తామంటున్న బెంగుళూరువాసులు .. ఎందుకు?
పోర్న్ స్టార్ నుంచి బాలీవుడ్ స్టార్‌గా మారిన సన్నీ లియోన్‌కు బెంగుళూరు వాసులు గట్టి వార్నింగ్ ఇచ్చారు. కొత్త సంవత్సరం రోజున సన్నీ తమ కంటికి కనిపిస్తే తాటతీస్తామంటూ హెచ్చరిస్తున్నారు. దీనికి ఓ కారణం లే
పోర్న్ స్టార్ నుంచి బాలీవుడ్ స్టార్‌గా మారిన సన్నీ లియోన్‌కు బెంగుళూరు వాసులు గట్టి వార్నింగ్ ఇచ్చారు. కొత్త సంవత్సరం రోజున సన్నీ తమ కంటికి కనిపిస్తే తాటతీస్తామంటూ హెచ్చరిస్తున్నారు. దీనికి ఓ కారణం లేకపోలేదు.
సాధారణంగా కొత్త సంవత్సరం వస్తుందంటే న్యూఇయర్ సెలెబ్రేషన్స్ దేశ వ్యాప్తంగా తారా స్థాయిలో జరుగుతుంటాయి. ఇలాంటి వేడుకల్లో సన్నీ డ్యాన్స్ షోకు భారీ డిమాండ్ ఉంటుంది. గత ఏడాది హైదరాబాద్ వచ్చిన సన్నీ.. ఈ యేడాది బెంగుళూరులో జరిగే ఓ ఈవెంట్‌కు హాజరుకానుంది.
దీనిపై కర్ణాటక రక్షణ వేదిక యువసేన (కరవే) ఆందోళనకు దిగింది. కొత్త ఏడాది వేడుకల్లో సన్నీ పాల్గొనేందుకు వీళ్లేదంటూ రోడ్డెక్కింది. సన్నీకి వ్యతిరేకంగా ఈవెంట్ నిర్వహకులను వార్నింగ్ ఇచ్చింది. ఒకవేళ న్యూ ఇయర్ వేడుకల్లో సన్నీ పాల్గొంటే.. అంతు చూస్తామని.. ఎంతకైనా తెగిస్తామని యువసేన హెచ్చరించింది.
కర్ణాటక సంస్కృతిని రక్షించుకోవాలంటే అలాంటి వాళ్లను ప్రోత్సహించడం ఎంతమాత్రమూ శ్రేయస్కరం కాదనేది యువనేన వాదన. కర్ణాటక రాష్ట్రంలోని పలు జిల్లా కేంద్రాల్లో సన్నీలియోన్‌కు వ్యతిరేకంగా ఆందోళనలు చేపట్టారు. ఆమె పోస్టర్లు, ఫొటోలు తగలబెట్టారు. తమ వార్నింగ్‌ను బేఖాతర్ చేసి సన్నీ బెంగుళూరుకు వస్తే మాత్రం తగిన బుద్ధి చెపుతామని హెచ్చరించారు.
ఈ హెచ్చరికపై ఈవెంట్ నిర్వహకుడు హరీశ్ స్పందించారు. కర్ణాటక రాష్ట్ర వ్యాప్తంగా జరిగిన పలు కార్యక్రమాల్లో సన్నీలియోన్ పాల్గొన్నారనీ, అపుడు లేని అభ్యంతరం ఇపుడెందుకని ఆయన ప్రశ్నిస్తున్నారు. సంప్రదాయ దుస్తులు ధరించి.. కన్నడ పాటలకే సన్నీ డ్యాన్స్ చేస్తుందని.. ఇందుకు అభ్యంతరం చెప్పటం మంచిది కాదంటున్నారు.
