'బ్రహ్మోత్సవం' చిత్రాన్ని రీమేక్ చేస్తారట...!
సూపర్ స్టార్ మహేష్ బాబు సినీ కెరీర్‌లో డిజాస్టర్‌గా నిలిచిన సినిమాల్లో "బ్రహ్మోత్సం" ఒకటి. శ్రీకాంత్ అడ్డాల దర్శకత్వంలో భారీ తారాగణం, భారీ బడ్జెట్‌తో, కుటుంబ కథా చిత్రంగా రూపొందిన 'బ్రహ్మోత్సవం' మహేష్ అభిమానులను, ప్రేక్షకులను ఏ మాత్రం ఆకట్టుకోలేకపోయింది.
ఇప్పుడు ఈ కళాఖండాన్ని తమిళనాట రీమేక్ చేయబోతున్నాడు యాక్టర్ కమ్ డైరెక్టర్ చేరన్. ఇతడు గతంలో రవితేజ నటించిన "నా ఆటోగ్రాఫ్ స్వీట్ మెమరీస్" సినిమాని తమిళంలో తీసాడు. ఇటీవలే 'బ్రహ్మోత్సవం' సినిమా చూసిన చేరన్, ఆ మూవీని కోలీవుడ్‌లో రీమేక్ చెయ్యాలని ఫిక్స్ అయ్యాడట.
'బ్రహ్మోత్సవం' సినిమాలో అతనికి అంతబాగా ఏం నచ్చింది అని అడిగితే.. అందుకు చేరన్ ఆ సినిమాలో ఉన్న ఫ్యామిలీ ఎమోషన్ అని సమాధానం ఇచ్చాడు. తమిళ ప్రేక్షకుల అభిరుచికి ఈ స్టోరీ చాలా దగ్గరగా ఉందని, తమ నేటివిటీకి తగ్గట్టు కథలో మార్పులు చేర్పులు చేస్తే తప్పకుండా తమిళంలో మంచి విజయాన్ని సాధించడంతో పాటు, ఫీల్ గుడ్ మూవీగా నిలుస్తుందని చేరన్ ఈ మధ్య ఒక ఇంటర్వూలో చెప్పుకొచ్చాడు. ప్రస్తుతం స్క్రిప్ట్ వర్క్ జరుగుతున్న బ్రహ్మోత్సవం తమిళ రీమేక్ త్వరలో పట్టాలెక్కనుంది.
