గురువారం, 28 మార్చి 2024
  1. వినోదం
  2. తెలుగు సినిమా
  3. కథనాలు
Written By
Last Updated : గురువారం, 20 డిశెంబరు 2018 (12:38 IST)

వీకెండ్ బరిలో ఐదు చిత్రాలు... శర్వానంద్‌కు పరీక్ష

ఈ వారాంతంలో ఐదు చిత్రాలు విడుదలకానున్నాయి. వీటిలో రెండు తెలుగులో స్ట్రైట్ చిత్రాలు కాగా, మిగిలిన మూడు చిత్రాలు ఇతర భాషల నుంచి రీమేక్ అవుతున్నాయి. ఇందులో ఒకటి శర్వానంద్ - సాయిపల్లవి నటించిన "పడి పడిలేచే మనసు" చిత్రం ఒకటి. రెండోది "అంతరిక్షం". ఇందులో వరుణ్ తేజ్, లావణ్య త్రిపాఠి, అదితిరావు హైదరీ నటిస్తున్నారు. ఈ రెండు చిత్రాలు స్ట్రైట్ చిత్రాలు. 
 
ఇకపోతే, తమిళ హీరో ధనుష్ నటించిన చిత్రం "మారి-2". అలాగే, కన్నడ హీరో యష్ నటించిన భారీ బడ్జెట్ చిత్రం "కేజీఎఫ్". చివరగా బాలీవుడ్ హీరో షారూక్ ఖాన్ నటించిన చిత్రం "జీరో". ఈ ఐదు చిత్రాలు ఈనెల 21వ తేదీన విడుదలకానున్నాయి. 
 
పడి పడి లేచె మనసు : శర్వానంద్ - సాయి పల్లవి జంటగా హను రాఘవపూడి దర్శకత్వంలో తెరకెక్కిన రొమాంటిక్ ఎంటర్‌టైనర్. తాజాగా ఈ చిత్రం ప్రీ రిలీజ్ వేడుకకు టాలీవుడ్ హీరో అల్లు అర్జున్ కూడా హాజరయ్యారు. దీంతో ఈ చిత్రంపై మరింత హైప్ పెరిగింది. ఈ చిత్రం 21వ తేదీన విడుదలకానుంది. 
 
అంతరిక్షం 9000 కేఎంపీహెచ్ : వరుణ్ తేజ్, అదితి, లావణ్య జంటగా నటించారు. 'ఘాజీ' వంటి విభిన్న కథాంశంతో ముందుకు వచ్చిన సంకల్ప్ రెడ్డి ఈ చిత్రానికి దర్శకత్వం వహించారు. ఈ చిత్రంలో వరుణ్ ఆస్ట్రోనట్‌గా పని చేస్తున్నారు.
 
మారి-2 : సూపర్ స్టార్ రజనీకాంత్ అల్లుడు ధనుష్ - సాయి పల్లవి కాంబినేషన్‌లో వస్తున్న తొలి చిత్రం. తమిళ, తెలుగు భాషల్లో ఒకేసారి రిలీజ్ అవుతున్నాయి. బాలాజీ మోహన్ దర్శకత్వంలో తెరకెక్కిన ఈ చిత్రం టాలీవుడ్‌లో కూడా ఇంట్రెస్టింగ్ బజ్ క్రియేట్ చేస్తుంది. 
 
కేజీఎఫ్ : 1970 దశకం నాటి గోల్డ్‌మైన్ మాఫియా కథాంశంతో ఈ చిత్రాన్ని తెరకెక్కించారు. ఇందులో కన్నడ హీరో యష్, శ్రీనిధి శెట్టిలు జంటగా నటించగా, ప్రశాంత్ నీల్ దర్శకత్వం వహించారు. భారీ బడ్జెట్‌తో నిర్మిస్తున్న ఈ చిత్రంపై భారీ అంచనాలే నెలకొనివున్నాయి. 
 
జీరో : బాలీవుడ్ మోస్ట్ అవేటెడ్ మూవీ జీరో. షారూక్ ఖాన్ మరగుజ్జుగా నటిస్తున్న చిత్రం. ఈ చిత్రంపై ప్రపంచ వ్యాప్తంగా భారీ అంచనాలే నెలకొన్నాయి. అనుష్క శర్మ, కత్రినా కైఫ్‌లు హీరోయిన్లు. ఆనంద్ ఎల్.రాయ్ దర్శకత్వం వహిస్తుండగా, షారూక్ ఖాన్ భార్య గౌరీ ఖాన్ ఈ చిత్రాన్ని నిర్మించారు.