శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By pnr
Last Updated : శనివారం, 18 మార్చి 2017 (14:46 IST)

'ఉయ్యలవాడ నర్సింహా రెడ్డి' ఫస్ట్‌లుక్‌ ఇదే.. సోషల్ మీడియాలో విస్తృత ప్రచారం

మెగాస్టార్ చిరంజీవి తన తదుపరి చిత్రంగా ఉయ్యలవాడ నరసింహా రెడ్డిలో నటించనున్నారు. దాదాపు దశాబ్దకాలం తర్వాత వెండితెరపై 'ఖైదీ నంబర్ 150'తో రీ ఎంట్రీ ఇచ్చిన చిరంజీవి... ఈ చిత్రంతో మరోమారు తన సత్తా చాటాడు.

మెగాస్టార్ చిరంజీవి తన తదుపరి చిత్రంగా ఉయ్యలవాడ నరసింహా రెడ్డిలో నటించనున్నారు. దాదాపు దశాబ్దకాలం తర్వాత వెండితెరపై 'ఖైదీ నంబర్ 150'తో రీ ఎంట్రీ ఇచ్చిన చిరంజీవి... ఈ చిత్రంతో మరోమారు తన సత్తా చాటాడు. ఈ క్రమంలో తన 151వ చిత్రంగా 'ఉయ్యలవాడ నరసింహారెడ్డి' పేరుతో తెరకెక్కించే చిత్రంలో నటించనున్నారు. 
 
కొణిదెల ప్రొడక్షన్స్‌ బ్యానర్‌పై చిరంజీవి తనయుడు, హీరో రాంచరణ్‌ నిర్మాణంలో తెరకెక్కుతున్న ఈ సినిమాకు సురేందర్‌ రెడ్డి దర్శకుడు. దేవీశ్రీ ప్రసాద్ సంగీత దర్శకుడు. రాయలసీమ చారిత్రక నేపథ్యమున్న ‘ఉయ్యలవాడ నర్సింహారెడ్డి’ కథాంశంతో ఈ సినిమా తెరకెక్కబోతోంది. 
 
అయితే, ఈ చిత్రానికి సంబంధించిన ఓ పోస్టర్ సోషల్ మీడియాలో హల్‌చల్ చేస్తోంది. 'ఉయ్యలవాడ నరసింహారెడ్డి' ఫస్ట్ లుక్ పోస్టర్ ఇదేనంటూ విస్తృతంగా ప్రచారం చేస్తుండటంతో వైరల్ అవుతోంది. గొడ్డలి, టైటిల్‌ లోగోతో చాలా పవర్‌ఫుల్‌గా ఉంది ఆ పోస్టర్‌. అయితే ఆ పోస్టర్‌ ఎక్కడి నుంచి వచ్చిందనేది మాత్రం తెలియడం లేదు. అయితే, ఈ పోస్టర్ విషయంలో కొణిదెల ప్రొడక్షన్స్ సంస్థ మాత్రం ఎలాంటి అధికారిక ప్రకటన చేయలేదు.