పాదయాత్ర మూర్ఖత్వమో లేక పట్టుదలో : యాత్ర టీజర్
ప్రజానేత, దివంగత, మాజీ ముఖ్యమంత్రి వైఎస్ రాజశేఖర్ రెడ్డి జీవిత చరిత్రను ఆధారంగా చేసుకుని తెరకెక్కుతున్న చిత్రం యాత్ర. ఈ చిత్రానికి సంబంధించిన అధికారిక టీజర్ తాజాగా విడుదలైంది.
ప్రజానేత, దివంగత, మాజీ ముఖ్యమంత్రి వైఎస్ రాజశేఖర్ రెడ్డి జీవిత చరిత్రను ఆధారంగా చేసుకుని తెరకెక్కుతున్న చిత్రం యాత్ర. ఈ చిత్రానికి సంబంధించిన అధికారిక టీజర్ తాజాగా విడుదలైంది.
జూలై 8వన తేదీ వైఎస్ఆర్ జయంతిని పురస్కరించుకుని ఈ టీజర్‌ను రిలీజ్ చేశారు. పంచకట్టులో అచ్చం వైఎస్ఆర్ లాగే మలయూళ సూపర్ స్టార్ మమ్ముట్టి చేస్తున్న అభివాదం చూసి అభిమానులు మురిసిపోతున్నారు. ఈ చిత్రాని "ఆనందోబ్రహ్మ" ఫేమ్‌ మహి వి. రాఘవ దర్శకత్వం వహిస్తున్నారు. 70 ఎంఎం ఎంటర్‌టైనమెంట్స్ పతాకంపై విజయ్ చల్లా, శశిదేవ్ రెడ్డి ఈ సినిమాను నిర్మిస్తున్నారు.
ఈ టీజర్‌లోని డైలాగ్‌లు అద్భుతంగా ఉన్నాయి. "తెలుసుకోవాలని ఉంది.. వినాలని ఉంది.. ఈ గడపదాటి ప్రతీ గడపలోకి వెళ్లాలని ఉంది.. వారితో కలిసి నడవాలని ఉంది.. వారి గుండె చప్పుడు వినాలని ఉంది. గెలిస్తే పట్టుదల అంటారు.. ఓడితే మూర్ఖత్వం అంటారు. పాదయాత్ర మూర్ఖత్వమో లేక పట్టుదలో చరిత్రే నిర్ణయిస్తుంది"అంటూ సాగే టీజర్ అభిమానుల్లో మూవీపై అంచనాలు పెంచేసింది.
