దీపావళికి సమంత 'కత్తి'
తమిళ నటుడు విజయ్, సమంత నటించిన చిత్రం 'కత్తి'. మురుగదాస్ దర్శకుడు. ఈ చిత్రంలో బాలీవుడ్ నటుడు నీల్ నితిన్ ముఖేష్ కీలక పాత్ర చేస్తున్నారు. కె. కరుణామూర్తి, ఎ. శుభాస్కరన్ సంయుక్తంగా నిర్మిస్తున్న ఈ చిత్రాన్ని 'ఠాగూర్' నిర్మాత మధు సమర్పణలో లైకా ప్రొడక్షన్స్ తెలుగులోకి విడుదల చేయనుంది.
'కొలవెరి' ఫేమ్ అనిరుధ్ స్వరపరిచిన పాటలను ఈ నెల 12న విడుదల చేయబోతున్నామని మధు తెలిపారు. ఈ నెల 23న దీపావళి కానుకగా తెలుగు, తమిళ భాషల్లో చిత్రం విడుదల కానుందని తెలిపారు. ఈ చిత్రానికి కెమెరా: జార్జి, సి. విల్లియమ్స్, ఎడిటర్: ఎ. శ్రీకర్ప్రసాద్.