ప్రపంచంలోనే అందమైన మహిళ ఎవరో తెలుసా?
ఈ సృష్టిలో ఉన్న అద్భుతాల్లో స్త్రీ ఒకరు. అందుకే వారి అందాన్ని పొగడని మగాడంటూ ఉండరు. ముఖ్యంగా, కవులు అయితే, వారి అందాన్ని పొగిడేందుకు ప్రకృతిని వాడుకుంటుంటారు. అలాంటి మహిళల్లో.. ఈ ప్రపంచంలో అత్యంత అందమైన మహిళ ఎవరన్న ప్రశ్న ఉత్పన్నమైంది.
ఆమె పేరు బెల్లా హదీద్. వయసు 23 యేళ్లు. ఓ సూపర్ మోడల్. గ్రీకు మ్యాథమేటిక్స్ ప్రకారం ఆమె అందం ప్రపంచంలోని అందరి కన్నా మిన్నా అని శాస్త్రవేత్తలు చెబుతున్నారు.
ప్రాచీన గ్రీక్ లెక్కల ప్రకారం గోల్డెన్ రేషియో ఆఫ్ బ్యూటీ ఫిజికల్ స్టాండర్డ్స్‌‌ను ఆధారంగా తీసుకొని విక్టోరియాకు చెందిన ఈ మోడల్ అత్యంత అందమైన మహిళగా లెక్కగట్టి ఎంపిక చేశారు. ఈ గోల్డెన్ రేషియా ప్రకారం హదీద్ ముఖం 94.35 శాతం పర్‌ఫెక్ట్‌గా ఉందని వారు అంటున్నారు.
ఇకపోతే, ఆమె తర్వాత స్థానంలో ప్రముఖ పాప్ సింగర్ దివా బియెన్స్(92.44 శాతం), మూడో స్థానంలో నటి అంబర్ హర్డ్(91.85శాతం), నాలుగో స్థానంలో పాప్ స్టార్ అరియానా గ్రాండే (91.81శాతం)లు నిలిచారు. వీరందరికీ సంబంధించిన కొలతలను లండన్‌లోని ప్రముఖ హార్లే స్ట్రీట్‌లోని ఫేసియల్ కాస్మోటిక్ సర్జన్‌గా పని చేస్తున్న డా.జులియన్ ది సిల్వా నిర్ధారించారు.
