కేసీఆర్ ప్రతి అడుగులోనూ 6.. లక్కీ నెంబర్.. వాస్తంటే పిచ్చట!
తెలంగాణ సీఎం కేసీఆర్ వాస్తు గోల అంతా ఇంతా కాదు.. ప్రతి అడుగులోనూ వాస్తు దోషాలున్నాయా అని చూస్తున్నారు. వాస్తు పట్ల కేసీఆర్‌కు నమ్మకాలు ఎక్కువని సన్నిహితులే చెబుతున్నారు.
ఇటీవల వాస్తు సరిగా లేదని సీఎం క్యాంపు ఆఫీసులో కేసీఆర్ అడుగుకూడా పెట్టలేదు. మరో విషయం ఏమిటంటే, 6 అంకె అంటే ఆయనకు సెంటిమెంట్ ఎక్కువ. ఆయన వాడే వాహనాల నెంబర్లు కూడా 6 అంకెలతోనే ఉంటాయి.
చివరికి కేబినెట్ మీటింగ్‌లు కూడా 6తోనే ముడిపడి ఉంటాయి. మొన్న జరిగిన కేబినెట్ మీటింగ్ 24 (2+4=6)వ తేదీన జరిగింది. ఈ కేబినెట్ సమావేశానికి కేసీఆర్ 6.45 గంటలకు (6+4+5=15..... 1+5=6) హాజరయ్యారు.
చాలా సందర్భాల్లో కేసీఆర్ 6 మిస్ కాకుండా చూసుకుంటున్నారని సన్నిహితులు చెబుతున్నారు. సో.. ఎవరి సెంటిమెంట్లు వారివి మరి. అయితే, ఈ సెంటిమెంట్ పాళ్లు ఎక్కువై ఇతరులకు సమస్య కలిగిస్తేనే ఇబ్బంది. కేసీఆర్ ఎలా డీల్ చేస్తారో చూద్దాం..!
