"రాముడు కాదు కృష్ణుడు" ఆడియో విడుదల

Publish: Tue, 1 Jul 2008 (11:57 IST) Updated: Tue, 1 Jul 2008 (11:56 IST)

WD Photo

WD

సాయికిరణ్, కృష్ణభగవాన్ హీరోలుగా నటిస్తోన్న "రాముడు కాదు కృష్ణుడు" చిత్రం ఆడియో సుప్రీం ద్వారా విడుదలైంది. ప్రసాద్ ల్యాబ్స్ ఆవరణలో ఆడియో రిలీజ్ వేడుకల్లో నిర్మాతల మండలి అధ్యక్షుడు తమ్మారెడ్డి భరద్వాజ ఆడియో ఆవిష్కరించారు. ఈ సందర్భంగా సాయికిరణ్ మాట్లాడుతూ... తాను, కృష్ణభగవాన్‌‌లు చూడటానికి రాముడిలా ఉంటామని, కానీ కొన్ని పరిస్థితుల రీత్యా కృష్ణుడిలా మారతామని అవి ఏమిటి? ఎందుకు? అనేది ఎంటర్‌టైన్‌మెంట్‌గా దర్శకుడు మలిచారని చెప్పారు.

దర్శకుడు శివతేజ మాట్లాడుతూ... ప్రస్తుతం ఈ సినిమా షూటింగ్ పూర్తయి పోస్ట్ ప్రొడక్షన్స్ కార్యక్రమాలు జరుపుకుంటోందని అన్నారు. ఆదిలక్ష్మి కంబైన్స్ పతాకంపై రూపొందుతోన్న ఈ చిత్రానికి సంగీతం... ఎల్.ఎం.ఎం. ప్రేమ్.. కెమెరా... భాస్కర్ డోర్నాలా, నిర్మాత... కె. లక్ష్మీదేవి.